கிரிக்கெட்

கொரோனா எதிரொலி: டி.என்.பி.எல். கிரிக்கெட் போட்டி ரத்து? + "||" + Corona Echo: TNPL. Cricket match canceled?

கொரோனா எதிரொலி: டி.என்.பி.எல். கிரிக்கெட் போட்டி ரத்து?

கொரோனா எதிரொலி:  டி.என்.பி.எல். கிரிக்கெட் போட்டி ரத்து?
டி.என்.பி.எல். போட்டியை ரத்து செய்வது குறித்து இன்னும் ஓரிரு வாரங்களில் தமிழ்நாடு கிரிக்கெட் சங்கம் அறிவிக்கும் என்று எதிர்பார்க்கப்படுகிறது.
சென்னை,

5-வது தமிழ்நாடு பிரீமியர் லீக் (டி.என்.பி.எல்.) 20 ஓவர் கிரிக்கெட் போட்டி கடந்த ஜூன் 10-ந் தேதி முதல் ஜூலை 12-ந் தேதி வரை சேலம், கோவை, நத்தம், நெல்லை ஆகிய இடங்களில் நடக்க இருந்தது. கொரோனா அச்சத்தால் இந்த போட்டி மறுதேதி குறிப்பிடாமல் தள்ளிவைக்கப்படுவதாக கடந்த மே மாதம் தமிழ்நாடு கிரிக்கெட் சங்கம் அறிவித்தது. தள்ளிவைக்கப்பட்ட டி.என்.பி.எல். போட்டியை ஆகஸ்டு, செப்டம்பர் மாதத்தில் நடத்தலாம் என்று தமிழ்நாடு கிரிக்கெட் சங்கம் ஆலோசித்து வந்தது. ஆனால் தமிழ்நாட்டில் கொரோனா பரவல் தற்போது அதிகமாக இருப்பதால் இந்த மாதத்தில் போட்டியை தொடங்குவதற்கான சாத்தியக்கூறுகள் எதுவுமில்லை.

ஐ.பி.எல். கிரிக்கெட் போட்டி ஐக்கிய அரபு அமீரகத்தில் செப்டம்பர் 19-ந்தேதி முதல் நவம்பர் 8-ந்தேதி வரை நடக்க இருக்கிறது. இதில் தமிழகத்தை சேர்ந்த முன்னணி வீரர்களான ஆர்.அஸ்வின் (டெல்லி கேப்பிட்டல்ஸ்), எம்.விஜய் (சென்னை சூப்பர் கிங்ஸ்), தினேஷ் கார்த்திக் (கொல்கத்தா), விஜய் சங்கர் (ஐதராபாத்), வாஷிங்டன் சுந்தர் (பெங்களூரு) ஆகியோர் விளையாட உள்ளனர். இதனால் அந்த நேரத்தில் டி.என்.பி.எல். போட்டியை நடத்துவது பொருத்தமாக இருக்காது. ஐ.பி.எல். முடிந்ததும், உள்ளூர் ஆட்டமான ரஞ்சி கிரிக்கெட் தொடங்குகிறது. எனவே டி.என்.பி.எல். கிரிக்கெட் போட்டியை நடத்துவதற்கு உகந்த காலம் கிடைப்பது மிகவும் கடினமாகும். இதனால் இந்த ஆண்டுக்கான டி.என்.பி.எல். போட்டியை ரத்து செய்வது குறித்து இன்னும் ஓரிரு வாரங்களில் தமிழ்நாடு கிரிக்கெட் சங்கம் அறிவிக்கும் என்று எதிர்பார்க்கப்படுகிறது.

தொடர்புடைய செய்திகள்

1. கட்டிடங்கள் இடிந்து விழுந்த சம்பவம் குறித்து விசாரணை புதிய கட்டிடம் கட்டுவதற்கான அனுமதி தற்காலிக ரத்து
பெங்களூருவில் கட்டிடங்கள் இடிந்து விழுந்த சம்பவம் குறித்து விசாரணை நடந்து வருவதாகவும், புதிய கட்டிடம் கட்டுவதற்கு வழங்கப்பட்ட அனுமதி தற்காலிகமாக ரத்து செய்யப்பட்டுள்ளதாகவும் மாநகராட்சி கமிஷனர் மஞ்சுநாத் பிரசாத் தெரிவித்துள்ளார்.
2. இறுதியாண்டு தேர்வுகளை ரத்து செய்யக்கோரி வழக்கு: பதில் அளிக்க பல்கலைக்கழக மானியக்குழுவுக்கு சுப்ரீம் கோர்ட்டு உத்தரவு
இறுதியாண்டு தேர்வுகளை ரத்து செய்யக்கோரிய வழக்கில், பதில் அளிக்க பல்கலைக்கழக மானியக்குழுவுக்கு சுப்ரீம் கோர்ட்டு உத்தரவிட்டுள்ளது.
3. மேட்டுப்பாளையத்தில் வனபத்ரகாளியம்மன் கோவிலில் ஆடிக்குண்டம் திருவிழா ரத்து
கொரோனா ஊரடங்கு காரணமாக மேட்டுப்பாளையம் வனபத்ரகாளியம்மன் கோவிலில் ஆடிக்குண்டம் திருவிழா ரத்து செய்யப்பட்டுள்ளது.
4. திருச்சியில் இருந்து செங்கல்பட்டு, நாகர்கோவிலுக்கு இயக்கப்படும் ரெயில்கள் ரத்து
திருச்சியில் இருந்து செங்கல்பட்டு, நாகர் கோவிலுக்கு இயக்கப்படும் ரெயில்கள் ரத்து செய்யப்படுவதாக தெற்கு ரெயில்வே அறிவித்துள்ளது.
5. கல்லூரி தேர்வுகளை ரத்து செய்வது குறித்து முதல்வருடன் ஆலோசனை செய்து முடிவெடுக்கப்படும் - அமைச்சர் கே.பி.அன்பழகன்
கல்லூரி தேர்வுகளை ரத்து செய்வது குறித்து முதல்வருடன் ஆலோசனை செய்து முடிவெடுக்கப்படும் என்று உயர்கல்வித்துறை அமைச்சர் கே.பி.அன்பழகன் தெரிவித்துள்ளார்.