கிரிக்கெட்

டெஸ்ட் கிரிக்கெட் தரவரிசையில் அஸ்வின், ரோகித் சர்மா முன்னேற்றம் + "||" + Aswin, Rohit Sharma improve in Test cricket rankings

டெஸ்ட் கிரிக்கெட் தரவரிசையில் அஸ்வின், ரோகித் சர்மா முன்னேற்றம்

டெஸ்ட் கிரிக்கெட் தரவரிசையில் அஸ்வின், ரோகித் சர்மா முன்னேற்றம்
டெஸ்ட் கிரிக்கெட் தரவரிசையில் இந்தியாவின் அஸ்வின், ரோகித் சர்மா வெகுவாக முன்னேற்றம் கண்டுள்ளனர்.
துபாய்,

ஆமதாபாத்தில் நடந்த இங்கிலாந்துக்கு எதிரான பகல்-இரவு டெஸ்டில் (பிங்க் பந்து) இந்திய அணி 10 விக்கெட் வித்தியாசத்தில் 2-வது நாளிலேயே வெற்றி பெற்றது. இந்த போட்டியின் அடிப்படையில் சர்வதேச கிரிக்கெட் கவுன்சில் (ஐ.சி.சி.) புதிய தரவரிசை பட்டியலை நேற்று வெளியிட்டது. இதில் பேட்ஸ்மேன்களின் தரவரிசையில் டாப்-7 இடங்களில் மாற்றமில்லை. நியூசிலாந்து கேப்டன் வில்லியம்சன் முதலிடத்திலும், ஆஸ்திரேலியாவின் ஸ்டீவன் சுமித் 2-வது இடத்திலும் தொடருகிறார்கள். இங்கிலாந்து கேப்டன் ஜோ ரூட் 4-வது இடத்தில் நீடித்தாலும் பிங்க் பந்து டெஸ்டில் சோபிக்காததால் 16 புள்ளிகளை இழந்துள்ளார். இந்திய கேப்டன் விராட் கோலி 5-வது இடம் வகிக்கிறார்.

ஆமதாபாத் டெஸ்டில் கடிமான சூழலில் நிலைத்து நின்று ஆடி 66 மற்றும் 25 ரன் வீதம் எடுத்து அசத்திய இந்திய தொடக்க ஆட்டக்காரர் ரோகித் சர்மா 6 இடங்கள் முன்னேறி 8-வது இடத்தை பிடித்துள்ளார். 52 புள்ளிகளை கூடுதலாக சேகரித்த அவர் மொத்தம் 742 புள்ளிகளுடன் தனது சிறந்த தரவரிசையை எட்டியிருக்கிறார். மற்ற இ்ந்திய வீரர்கள் புஜாரா 10-வது இடத்திலும் (2 இடம் சரிவு), துணை கேப்டன் அஜிங்யா ரஹானே 13-வது இடத்திலும் (ஒரு இடம் குறைவு), இளம் விக்கெட் கீப்பர் ரிஷாப் பண்ட் 14-வது இடத்திலும் (3 இடம் சறுக்கல்) உள்ளனர்.

அஸ்வின் 3-வது இடம்

பந்து வீச்சாளர்களின் தரவரிசையில் சில மாற்றங்கள் நிகழ்ந்துள்ளன. ஆஸ்திரேலிய வேகப்பந்து வீச்சாளர் பேட் கம்மின்ஸ் ‘நம்பர் ஒன்’ இடத்தை நீண்டகாலமாக ஆக்கிரமித்துள்ளார். 3-வது இடத்தில் இருந்த இங்கிலாந்து வேகப்பந்து வீச்சாளர் ஜேம்ஸ் ஆண்டர்சன் 6-வது இடத்துக்கு தள்ளப்பட்டார்.

அதே சமயம் ஆமதாபாத் டெஸ்டில் மொத்தம் 7 விக்கெட்டுகள் கைப்பற்றிய இந்திய சுழற்பந்து வீச்சாளர் தமிழகத்தை சேர்ந்த அஸ்வின் 19 புள்ளிகள் கூடுதலாக சேர்த்ததுடன் தரவரிசையில் 7-ல் இருந்து 3-வது இடத்துக்கு உயர்ந்துள்ளார். இ்ந்திய வேகப்பந்து வீச்சாளர் ஜஸ்பிரித் பும்ரா ஒரு இடம் சரிந்துள்ளார். பகல்-இரவு டெஸ்டில் 11 விக்கெட்டுகள் வீழ்த்தி ஹீரோவாக ஜொலித்த இந்திய சுழற்பந்து வீ்ச்சாளர் அக்‌ஷர் பட்டேல் கிடுகிடுவென 30 இடங்கள் எகிறி 38-வது இடத்தை வசப்படுத்தியுள்ளார். 100-வது டெஸ்டில் ஆடிய இந்தியாவின் இஷாந்த் ஷர்மா மாற்றமின்றி 16-வது இடத்தில் தொடருகிறார். இங்கிலாந்து சுழற்பந்து வீச்சாளர் ஜாக் லீச் 3 இடங்கள் அதிகரித்து 28-வது இடத்தை பெற்றுள்ளார்.

ஆல்-ரவுண்டர் வரிசை

டெஸ்ட் ஆல்-ரவுண்டர்களின் தரவரிசையில் டாப்-5 இடங்களில் மாற்றம் இல்லை. வெஸ்ட் இண்டீசின் ஜாசன் ஹோல்டர் முதலிடமும், இந்தியாவின் ரவீந்திர ஜடேஜா 2-வது இடமும், இங்கிலாந்தின் பென் ஸ்டோக்ஸ் 3-வது இடமும், வங்காளதேசத்தின் ஷகிப் அல்-ஹசன் 4-வது இடமும், இந்தியாவின் அஸ்வின் 5-வது இடமும் வகிக்கிறார்கள். 

தொடர்புடைய செய்திகள்

1. பிரெஞ்சு ஓபன் டென்னிஸ்: நடப்பு சாம்பியன் நடால் 4வது சுற்றுக்கு முன்னேற்றம்
பிரெஞ்சு ஓபன் டென்னிஸ் போட்டியில் நடப்பு சாம்பியன் நடால் 4வது சுற்றுக்கு முன்னேறியுள்ளார்.
2. மும்பை இந்தியன்ஸ் அணியின் பந்து வீச்சாளர்களுக்கு கேப்டன் ரோகித் சர்மா பாராட்டு
ஐபிஎல் கிரிக்கெட் தொடரின் 9-வது லீக் ஆட்டத்தில் மும்பை- ஐதராபாத் அணிகள் மோதின. இதில் மும்பை இந்தியன்ஸ் 13 ரன்கள் வித்தியாசத்தில் வெற்றி பெற்றது.
3. ரோகித் சர்மாவுடன் இணைந்து தொடக்க ஆட்டக்காரராக ஆட விரும்புகிறேன் - இந்திய கேப்டன் கோலி பேட்டி
20 ஓவர் உலக கோப்பை போட்டி வரை ரோகித் சர்மாவுடன் இணைந்து தொடர்ந்து தொடக்க ஆட்டக்காரராக களம் காண விரும்புவதாக இந்திய கேப்டன் கோலி கூறியுள்ளார்.
4. சுவிஸ் ஓபன் பேட்மிண்டன் போட்டி: பி.வி. சிந்து மற்றும் கிதம்பி ஸ்ரீகாந்த் அரையிறுதிக்கு முன்னேற்றம்
சுவிஸ் ஓபன் பேட்மிண்டன் போட்டியில் பி.வி. சிந்து மற்றும் கிதம்பி ஸ்ரீகாந்த் அரையிறுதிக்கு முன்னேறி உள்ளனர்.
5. ஆஸ்திரேலிய ஓபன் டென்னிஸ்: நவோமி ஒசாகா இறுதி போட்டிக்கு தகுதி
ஆஸ்திரேலிய ஓபன் டென்னிஸ் போட்டியில் செரீனாவை வீழ்த்தி நவோமி ஒசாகா இறுதி போட்டிக்கு முன்னேறியுள்ளார்.