கால்பந்து

சூப்பர் கோப்பை கால்பந்து பெங்களூரு அணி சாம்பியன் + "||" + Super Cup Football Bengaluru team champion

சூப்பர் கோப்பை கால்பந்து பெங்களூரு அணி சாம்பியன்

சூப்பர் கோப்பை கால்பந்து பெங்களூரு அணி சாம்பியன்
சூப்பர் கோப்பை கால்பந்து போட்டியில் பெங்களூரு அணி சாம்பியன் பட்டம் வென்றது.
புவனேஸ்வரம்,

முதலாவது ஹீரோ சூப்பர் கோப்பை கால்பந்து போட்டியின் இறுதி ஆட்டம் ஒடிசா மாநிலத்தில் உள்ள புவனேஸ்வரத்தில் நேற்று நடந்தது. இதில் பெங்களூரு எப்.சி.-கிழக்கு பெங்கால் அணிகள் பலப்பரீட்சை நடத்தின. விறுவிறுப்பான இந்த ஆட்டத்தில் பெங்களூரு எப்.சி. அணி 4-1 என்ற கோல் கணக்கில் கிழக்கு பெங்காலை வீழ்த்தி சாம்பியன் பட்டத்தை கைப்பற்றியது.


கிழக்கு பெங்கால் அணியில் குரோமக் 28-வது நிமிடத்தில் கோல் அடித்தார். பெங்களூரு அணி தரப்பில் ராகுல் பிகெ 39-வது நிமிடத்திலும், சுனில் சேத்ரி 68-வது மற்றும் 90-வது நிமிடத்திலும், நிகோலஸ் பெடோர் 71-வது நிமிடத்திலும் கோல் அடித்தனர். கிழக்கு பெங்கால் அணி வீரர் சமத் அலி மாலிக் 44-வது நிமிடத்தில் முரட்டு ஆட்டத்தில் ஈடுபட்டதால் நடுவரால் சிவப்பு அட்டை காண்பிக்கப்பட்டு வெளியேற்றப்பட்டார். இதனால் அந்த அணி 10 வீரர்களுடன் விளையாட வேண்டியது ஆனது.