மெரினாவை பராமரிக்க ஒதுக்கும் நிதி எவ்வளவு? - சென்னை மாநகராட்சி விரிவான அறிக்கை தாக்கல் செய்ய உயர்நீதிமன்றம் உத்தரவு | மெரினாவில் காவல் ஆணையருடன் காலை நடைபயிற்சி மேற்கொள்ள, மாநகராட்சி ஆணையருக்கு சென்னை உயர்நீதிமன்றம் யோசனை | மெரினாவில் என்னென்ன உள்கட்டமைப்பு வசதிகள் மேற்கொள்ளப்பட உள்ளன? - உயர்நீதிமன்றம் | ஆந்திரா காக்கிநாடாவிற்கு தெற்கே 130 கி.மீ. தொலைவில் உள்ள பெய்ட்டி புயல், மணிக்கு 16 கி.மீ வேகத்தில் நகர்ந்து பிற்பகலில் கரையைக் கடக்கும்- வானிலை மையம் | தமிழகம் மற்றும் புதுச்சேரியில் அடுத்த 3 நாட்களுக்கு வறண்ட வானிலையே காணப்படும் - சென்னை வானிலை மையம் | பெங்களூரு சிறையில் சசிகலாவுடன், தினகரன் மற்றும் தகுதி நீக்கம் செய்யப்பட்ட எம்எல்ஏ-க்கள் சந்திப்பு |

கால்பந்து

தொடக்க ஆட்டத்தில் ரஷியா அசத்தல் வெற்றி + "||" + Russian wins winner in the opening match

தொடக்க ஆட்டத்தில் ரஷியா அசத்தல் வெற்றி

தொடக்க ஆட்டத்தில் ரஷியா அசத்தல் வெற்றி
உலக கோப்பை கால்பந்து போட்டியின் தொடக்க ஆட்டத்தில் ரஷியா 5-0 என்ற கோல் கணக்கில் சவுதிஅரேபியாவை பந்தாடியது.
மாஸ்கோ,

21-வது உலக கோப்பை கால்பந்து திருவிழா ரஷியாவில் நேற்று தொடங்கியது. இதில் பங்கேற்றுள்ள 32 அணிகள் 8 பிரிவாக பிரிக்கப்பட்டுள்ளன.

ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். லீக் முடிவில் ஒவ்வொரு பிரிவிலும் டாப்-2 இடங்களை பிடிக்கும் அணிகள் வீதம் மொத்தம் 16 அணிகள் நாக்-அவுட் சுற்றான 2-வது சுற்றுக்கு முன்னேறும்.


தொடக்க ஆட்டத்தில் போட்டியை நடத்தும் ரஷியாவும், சவுதிஅரேபியாவும் (ஏ பிரிவு) மாஸ்கோவில் உள்ள லுஸ்னிகி ஸ்டேடியத்தில் சந்தித்தன. இரு அணி வீரர்களும் முதல் வினாடியில் இருந்தே ஆக்ரோஷமாக விளையாடினர். பந்து அரேபியாவின் கட்டுப்பாட்டில் சற்று அதிகமாக (60 சதவீதம்) வலம் வந்தாலும், ரஷிய வீரர்கள் தாக்குதல் பாணியை கையாண்டு, அவர்களின் தடுப்பு அரணை எளிதில் உடைத்தனர்.

12-வது நிமிடத்தில் சக வீரர் தட்டிக்கொடுத்த பந்தை ரஷியாவின் யுரி காஜின்ஸ்கி தலையால் முட்டி அற்புதமாக கோலாக்கினார். இதன் மூலம் இந்த உலக கோப்பையில் முதல் கோலை அடித்தவர் என்ற சிறப்பை காஜின்ஸ்கி பெற்றார். 14-வது நிமிடத்தில் இன்னொரு கோல் விழுந்திருக்க வேண்டியது. அந்த ஷாட்டை அரேபியா கோல் கீப்பர் அப்துல்லா பாய்ந்து தடுத்து விட்டார்.

ரஷிய முன்னணி வீரர் ஆலன் ஜாகோவ், தசைப்பிடிப்பு காரணமாக 23-வது நிமிடத்தில் வெளியேறினார். ஆனாலும் ரஷியா நிலைமையை சமாளித்து திறம்பட ஆடியது. அரேபியாவின் பலவீனத்தை சரியாக பயன்படுத்திக் கொண்ட ரஷியாவின் மாற்று ஆட்டக்காரர் டெனிஸ் செரிஷிவ் 43-வது நிமிடத்தில் இடது காலால் பந்தை உதைத்து வலைக்குள் அனுப்பி அசத்தினார். இதையடுத்து முதல் பாதியில் 2-0 என்ற கணக்கில் ரஷியா முன்னிலை பெற்றது.

இதே வேகத்துடன் பிற்பாதியிலும் ரஷிய வீரர்கள் அலைஅலையாக தாக்குதல் தொடுத்தனர். ஒரு கட்டத்தில் அரேபியா வீரர்கள் சோர்ந்து போனார்கள். அந்த அணி வீரர்களால் இலக்கை நோக்கி ஒரு ஷாட் கூட அடிக்க இயலவில்லை. ரஷியாவின் ஆதிக்கத்துக்கும் அணை போட முடியவில்லை.

71-வது நிமிடத்தில் ரஷியாவின் மற்றொரு மாற்று ஆட்டக்காரர் ஆர்ட்டெம் டிஸ்யூபா தலையால் முட்டி கோல் போட்டார். வழக்கமான 90 நிமிடங்களுக்கு பிறகு காயம் உள்ளிட்ட விரயத்துக்காக 5 நிமிடங்கள் வழங்கப்பட்டது. இந்த 5 நிமிடங்களில் ரஷியாவின் டெனிஸ் செரிஷிவும், அலெக்சாண்டர் கோலோவின்னும் அடுத்தடுத்து கோல் போட்டு ரசிகர்களை குதூகலப்படுத்தினார். இதில் கோலோவின், ‘பிரிகிக்’ வாய்ப்பை ஒரே ஷாட்டில் பிரமாதமாக கோலாக்கினார்.

முடிவில் ரஷிய அணி 5-0 என்ற கோல் கணக்கில் சவுதி அரேபியாவை பந்தாடியது. இரு அணி தரப்பிலும் தலா ஒரு வீரர் மஞ்சள் அட்டை எச்சரிக்கைக்கு உள்ளானார்கள். இந்த ஆட்டத்தை மொத்தம் 78 ஆயிரத்து 11 ரசிகர்கள் நேரில் கண்டுகளித்தனர். வெற்றியை அதிபர் புதின் உள்பட உள்ளூர் ரசிகர்கள் உற்சாகமாக கொண்டாடி மகிழ்ந்தனர்.


தொடர்புடைய செய்திகள்

1. ‘ஜி-20’ உச்சி மாநாட்டில் அமெரிக்கா, ரஷியா, ஜப்பான் தலைவர்களுடன் பிரதமர் மோடி சந்திப்பு - பொருளாதார குற்றவாளிகளை பிடிக்க 9 அம்ச திட்டம்
‘ஜி-20’ உச்சி மாநாட்டில், அமெரிக்கா, ரஷியா, ஜப்பான் தலைவர்களை பிரதமர் மோடி சந்தித்தார். தப்பி ஓடுகிற பொருளாதார குற்றவாளிகளை பிடிப்பது தொடர்பாக அவர் 9 அம்ச திட்டம் ஒன்றை தாக்கல் செய்தார்.
2. சிரியாவில் வி‌ஷ வாயு தாக்குதல் 107 பேர் மருத்துவமனையில் அனுமதி
சிரியாவில் விஷவாயு தாக்குதலில் பாதிக்கப்பட்ட 107 பேர் மருத்துவமனையில் அனுமதிக்கப்பட்டுள்ளனர்.
3. பனிச்சரிவில் போராடி ஏறும் குட்டிக்கரடி! வைரலாகும் வீடியோவில் மறைந்திருக்கும் வேதனையான உண்மை!
ரஷியாவில் பனிச்சரிவில் குட்டிக்கரடியொன்று தாயிடம் சேர மலையில் பனிச்சரிவில் போராடி ஏறும் வீடியோவில் மறைந்திருக்கும் வேதனையான உண்மை வெளியாகியுள்ளது.
4. ரஷியாவில் கல்லூரியில் நடத்தப்பட்ட தாக்குதலில் 17 பேர் உயிரிழப்பு
ரஷியாவில் கல்லூரியில் நடத்தப்பட்ட தாக்குதலில் 17 பேர் உயிரிழந்துள்ளனர் என தெரியவந்துள்ளது.
5. ஈரானிடம் இருந்து எண்ணெய்; ரஷியாவிடம் இருந்து எஸ்-400 ஏவுகணைகளை வாங்கும் இந்தியா; அமெரிக்கா எச்சரிக்கை
ஈரானிடம் இருந்து எண்ணெய் மற்றும் ரஷியாவிடம் இருந்து எஸ்-400 ஏவுகணைகளை வாங்கும் இந்தியாவை அமெரிக்கா எச்சரித்துள்ளது.