ஹாக்கி

ஆசிய விளையாட்டு: கபடி, ஆக்கியில் இந்தியா அசத்தல் வெற்றி நீச்சலில் ஏமாற்றம் + "||" + Asian Games: Kabadi, Hockey, India winner Disappointment in swimming

ஆசிய விளையாட்டு: கபடி, ஆக்கியில் இந்தியா அசத்தல் வெற்றி நீச்சலில் ஏமாற்றம்

ஆசிய விளையாட்டு: கபடி, ஆக்கியில் இந்தியா அசத்தல் வெற்றி நீச்சலில் ஏமாற்றம்
ஆசிய விளையாட்டு போட்டியில் கபடியில் இந்திய ஆண்கள், பெண்கள் அணிகள் அட்டகாசமான வெற்றிகளை குவித்தன.

ஜகர்தா, 

ஆசிய விளையாட்டு போட்டியில் கபடியில் இந்திய ஆண்கள், பெண்கள் அணிகள் அட்டகாசமான வெற்றிகளை குவித்தன. பெண்கள் ஆக்கியில் இந்தியா முதல் ஆட்டத்தில் மெகா வெற்றியை ருசித்தது.

கபடி போட்டி

கபடி போட்டியில் நடப்பு சாம்பியனான இந்திய அணி எதிர்பார்த்தது போலவே வெகுவாக ஆதிக்கம் செலுத்தியது. இதன் ஆண்கள் பிரிவில் பங்கேற்றுள்ள 11 அணிகள் இரு பிரிவாக பிரிக்கப்பட்டுள்ளன. ‘ஏ’ பிரிவில் அங்கம் வகிக்கும் இந்திய அணி ஒரே நாளில் 2 ஆட்டங்களில் மோதியது. காலையில் வங்காளதேசத்தை 50–21 என்ற புள்ளி கணக்கில் பந்தாடிய இந்திய அணி மாலையில் இலங்கையை 44–28 என்ற புள்ளி கணக்கில் தோற்கடித்தது. ஆசிய விளையாட்டில் கபடி 1990–ம் ஆண்டு அறிமுகம் ஆனதில் இருந்து இந்திய அணி தொடர்ச்சியாக 7 தங்கப்பதக்கத்தை அறுவடை செய்து மகத்தான சாதனை படைத்திருப்பது நினைவு கூரத்தக்கது.

கபடியில் பெண்கள் பிரிவில் 9 அணிகள் மல்லுகட்டுகின்றன. இதில் ‘ஏ’ பிரிவில் இடம் வகிக்கும் நடப்பு சாம்பியனான இந்தியா 43–12 என்ற புள்ளி கணக்கில் ஜப்பானை துவம்சம் செய்தது.

பேட்மிண்டன், டென்னிஸ், ஆக்கி

அணிகளுக்கான பேட்மிண்டனில் ஆண்கள் பிரிவில் இந்தியா 3–0 என்ற கணக்கில் மாலத்தீவை வெளியேற்றி கால்இறுதிக்கு முன்னேறியது.

டென்னிசில் கலப்பு இரட்டையர் பிரிவின் முதல் சுற்றில் இந்தியாவின் திவிஜ் சரண்–கர்மான் கவுர் தான்டி ஜோடி 6–4, 6–4 என்ற நேர் செட் கணக்கில் கபடோசியா– ஆல்பர்ட்டோ ஜூனியர் லிம் (பிலிப்பைன்ஸ்) இணையை வென்றது.

பெண்களுக்கான ஆக்கியில் 10 அணிகள் களம் இறங்கியுள்ளன. ‘பி’ பிரிவில் இடம் பெற்றுள்ள இந்திய அணி தனது முதல் லீக் ஆட்டத்தில் 8–0 என்ற கோல் கணக்கில் இந்தோனேஷியாவை நொறுக்கியது. இந்திய அணியில் குர்ஜித் கவுர் (3 கோல்), வந்தனா (2), நவ்னீத் கவுர்(2), உதிதா (1) ஆகியோர் கோல் போட்டனர்.

நீச்சல், ஹேண்ட்பாலில் ஏமாற்றம்

ஹேண்ட்பால் போட்டியில் பெண்கள் பிரிவின் லீக் ஆட்டம் ஒன்றில் இந்தியா 21–36 என்ற புள்ளி கணக்கில் சீனாவிடம் தோற்றது. இந்தியா தொடர்ச்சியாக சந்தித்த 3–வது தோல்வியாகும்.

நீச்சலில் ஆண்களுக்கான 100 மீட்டர் பேக்ஸ்டிரோக் பிரிவின் இறுதி சுற்றில் இந்திய வீரர் ஸ்ரீஹரி நடராஜ் 7–வது இடத்துக்கு (56.19 வினாடி) தள்ளப்பட்டார். 52.34 வினாடிகளில் இலக்கை கடந்த சீனாவின் சூ ஜியாயு தங்கப்பதக்கத்திற்கு முத்தமிட்டார். இதே போல் 200 மீட்டர் பட்டர்பிளை பிரிவில் இந்திய வீரர் சஜன் பிரகாஷ் 1 நிமிடம் 57.75 வினாடிகளில் இலக்கை எட்டி 5–வது இடத்தை பெற்று ஏமாற்றம் அளித்தார்.

கூடைப்பந்து போட்டியில் (5 பேர்) இந்திய பெண்கள் அணி 61–84 என்ற புள்ளி கணக்கில் சீனத் தைபேயிடம் பணிந்தது.

கைப்பந்து போட்டியில் பெண்களில் (பி பிரிவு) இந்தியா 17–25, 11–25, 13–25 என்ற செட் கணக்கில் தென்கொரியாவிடம் தோல்வியை தழுவியது.

துப்பாக்கி சுடுதலில் 10 மீட்டர் ஏர் பிஸ்டல் கலப்பு அணிகள் பிரிவில் இந்தியாவின் அபிஷேக் வர்மா, மானுபாகெர் ஜோடி 759 புள்ளிகளுடன் பின்தங்கி இறுதி சுற்றை அடைய தவறியது.



தொடர்புடைய செய்திகள்

1. உலக கோப்பை ஆக்கி: இந்திய அணிக்கு மன்பிரீத் சிங் கேப்டன்
உலக கோப்பை ஆக்கி போட்டிக்கான இந்திய அணியின் கேப்டனாக மன்பிரீத் சிங் நியமிக்கப்பட்டுள்ளார்.
2. ‘சூப்பர் சிக்ஸ்’ ஆக்கி: இந்தியன் ஓவர்சீஸ் வங்கி 2–வது வெற்றி
சென்னை ஆக்கி சங்கம் சார்பில் ஸ்ரீராம் சிட்டி ஆதரவுடன் ‘சூப்பர் சிக்ஸ்’ ஆக்கி லீக் சாம்பியன்ஷிப் போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது.
3. ஜூனியர் ஆக்கி: இறுதிப்போட்டியில் இந்திய அணி தோல்வி
6 அணிகள் இடையிலான 8–வது சுல்தான் ஜோஹர் கோப்பைக்கான ஜூனியர் ஆக்கி போட்டி மலேசியாவில் நடந்து வருகிறது.
4. ஆக்கி இந்தியா அமைப்பின் புதிய தலைவராக முஷ்டாக் அகமது தேர்வு
ஆக்கி இந்தியா அமைப்பின் புதிய தலைவராக முஷ்டாக் அகமது தேர்வு செய்யப்பட்டுள்ளார்.
5. ஆசிய சாம்பியன்ஸ் கோப்பை: இந்திய ஆக்கி அணியின் கேப்டனாக மன்பிரீத்சிங் நியமனம்
நடப்பு சாம்பியன் இந்தியா, பாகிஸ்தான், தென்கொரியா உள்பட 6 அணிகள் பங்கேற்கும் 5–வது ஆசிய சாம்பியன்ஸ் கோப்பை ஆக்கி போட்டி அடுத்த மாதம் (அக்டோபர்) 18–ந்தேதி முதல் 28–ந்தேதி வரை மஸ்கட்டில் நடக்கிறது.