ஜூனியர் பெண்கள் ஹாக்கி உலகக்கோப்பை : இந்திய அணியை வழிநடத்தும் ஒலிம்பிக் நட்சத்திரம்

டெல்லி 

பெண்கள் ஜூனியர் உலக கோப்பை  ஹாக்கி போட்டி  தென்னாப்பிரிக்காவில் அடுத்த மாதம்  5-ந் தேதி தொடங்குகிறது . இதில் நடப்பு சாம்பியன் அர்ஜென்டினா  உள்பட 16 அணிகள் கலந்து கொள்கின்றன.இந்த தொடரில் இந்தியாவின் சார்பில் பங்கேற்கும் 18 வீரர்கள் அடங்கிய பட்டியலை ஹாக்கி இந்தியா வெளியிட்டுள்ளது 

அதன்படி இந்திய ஹாக்கி அணியின் கேப்டனாக  லால்ரெம்சியாமி  நியமிக்கப்பட்டுள்ளார்.இந்த ஆண்டு நடந்த டோக்கியோ ஒலிம்பிக் போட்டியில் இந்திய பெண்கள் ஹாக்கி அணி ஒலிம்பிக் வரலாற்றில் முதல் முறையாக அரையிறுதி போட்டிக்கு முன்னேறி சாதனை  படைத்தது .அரையிறுதி வரை முன்னேறிய  இந்திய அணியில் இடம்பெற்று இருந்தவர்களில் 21 வயதான  லால்ரெம்சியாமியும் ஒருவர் ஆவார். 

இவர் மட்டுமின்றி டோக்கியோ இந்திய பெண்கள் ஹாக்கி அணியில் இருந்த சலிமா டெட் மற்றும் ஷர்மிளா தேவி ஆகியோரும் ஜூனியர் பெண்கள் ஹாக்கி  அணியில் உள்ளனர்.