சோனி ஹெச்.டி. எஸ் 400 சவுண்ட் பார்

இது திரையரங்கில் படம் பார்ப்பது போன்ற அனுபவத்தைத் தரும். 330 வாட் திறன் கொண்டது. இத்துடன் வயர்லெஸ் சப் ஊபரும் உள்ளது. இதுவும் சிறப்பான இசை வெளிப்பட உதவுகிறது. இதனால் டிஜிட்டல் இசை அனுபவத்தை உணர முடியும்.

ரிமோட் கண்ட்ரோல் வசதி கொண்டது. இது தவிர இதிலேயே ஒலி அளவை அதிகரிக்க பிரத்யேக பொத்தான்களும் உள்ளன. பிராவியா டி.வி.யை இயக்குவதன் மூலம் இதுவும் வயர் இணைப்பின்றி தானாக ஆன் ஆகி செயல்படும்.

இதில் உள்ள ஒலெட் டிஸ்பிளேயில் ஒலி அளவு உள்ளிட்ட விவரங்களைப் பார்க்க முடியும். புளூடூத் 5.0 இணைப்பு வசதி, சுவரில் மாட்டும் வசதி, இரவு நேரத்திற்கேற்ப ஒலி அளவைக் குறைக்கும் வசதி கொண்டது. குரல் வழி கட்டுப்பாட்டிலும் இது செயல்படும். இதன் விற்பனையக விலை சுமார் ரூ.21,990.