பள்ளி, கல்லூரி மாணவர்களுக்கு கல்வி நிதி உதவி; இசக்கி சுப்பையா எம்.எல்.ஏ. வழங்கினார்

அம்பை:

அம்பாசமுத்திரம் சட்டமன்ற உறுப்பினர் இசக்கி சுப்பையா தேர்தல் வாக்குறுதிப்படி தனது சொந்த நிதியில் இருந்து அம்பை சட்டமன்ற தொகுதியைச் சோ்ந்த பள்ளி, கல்லூரி மாணவ-மாணவிகளுக்கு கல்வி நிதியுதவி வழங்கும் நிகழ்ச்சி அம்பையில் நடந்தது. இதில் 8 மாணவ-மாணவிகளுக்கு ரூ.1 லட்சத்து 27 ஆயிரத்தை கல்வி நிதியுதவியாக இசக்கி சுப்பையா எம்.எல்.ஏ. வழங்கினார்.

இந்த நிகழ்ச்சியில் ஒன்றிய செயலாளர்கள் அம்பை விஜய பாலாஜி, சேரன்மாதேவி மாரிச்செல்வம், விக்கிரமசிங்கபுரம் நகர செயலாளர் கண்ணன், நகராட்சி கவுன்சிலர்கள் மாரிமுத்து, சிவக்குமார், கிராஸ் இமாகுலேட், வக்கீல் சுரேஷ் உள்பட பலர் கலந்து கொண்டனர்.