அந்தியூரில் ரூ.2¼ லட்சத்துக்கு நிலக்கடலை விற்பனை

அந்தியூர் ஒழுங்குமுறை விற்பனைக்கூடத்தில் நிலக்கடலை ஏலம் நடைபெற்றது. இதற்கு அந்தியூர், அத்தாணி, ஆப்பக்கூடல், ஒலகடம், வெள்ளித்திருப்பூர், பர்கூர் உள்பட பல்வேறு பகுதிகளில் இருந்து 105 மூட்டைகள் கொண்டு வரப்பட்டன.இதில் நிலக்கடலை (பச்சை) குவிண்டால் ஒன்றுக்கு ரூ.2 ஆயிரத்து 419-க்கும், (காய்ந்தது) குவிண்டால் ஒன்றுக்கு குறைந்தபட்சம் ரூ.6 ஆயிரத்து 505-க்கும், அதிகபட்சமாக ரூ.7ஆயிரத்து 656-க்கும் என மொத்தம் ரூ.2 லட்சத்து 19 ஆயிரத்து 392-க்கு விற்பனை செய்யப்பட்டன. ஈரோடு, பெருந்துறை, திருப்பூர், தர்மபுரி, கோவை ஆகிய பகுதிகளில் இருந்து வந்த வியாபாரிகள் நிலக்கடலையை ஏலம் எடுத்து சென்றனர்.