கால்பந்து பயணத்தில் தனது 870-வது கோலை பதிவு செய்த ரொனால்டோ!

ரியாத்,

சவுதி புரோ லீக் கால்பந்து தொடர் நடைபெற்று வருகிறது. இதில் நட்சத்திர வீரர் ரொனால்டோ அல் நசீர் அணியின் கேப்டனாக உள்ளார்.

இந்த தொடரில் நேற்று முன்தினம் ( வெள்ளிக்கிழமை) நடைபெற்ற ஆட்டத்தில் அல் எட்டிபா மற்றும் அல் நசீர் அணிகள் மோதின. விறுவிறுப்பாக நடைபெற்ற இந்த ஆட்டத்தில் அல் நசீர் அணி 3 -1 என்ற கோல் கணக்கில் வெற்றி பெற்றது. அல் நசீர் அணி தரப்பில் அலெக்ஸ் டெல்ஸ், மார்செலோ ப்ரோசோவிக் மற்றும் ரொனால்டோ ஆகியோர் தலா 1 கோல் அடித்தனர். அல் எட்டிபா அணி தரப்பில் முகமது அல் குவைகிபி 1 கோல் அடித்தார்.

இந்த ஆட்டத்தில் ரொனால்டோ அடித்த கோல் அவரது கால்பந்து பயணத்தில் 870-வது கோலாக பதிவானது.