ஏ.சி. இயங்கியும், வெப்பத்தை உணர்கிறீர்களா..? இதை கவனியுங்கள்..!

சில வீடுகளில், ஏ.சி. இயங்கும். ஆனால் அறை குளிர்ச்சியாகாது. இதை நிபுணர்கள்தான் சரிசெய்யவேண்டும் என்கிற கட்டாயம் இல்லை. ஏனெனில் நம்முடைய சிறுசிறு தவறுகள் கூட, ஏ.சி.யின் குளிர்ச்சியை தடை செய்திருக்கும். அவை என்னென்ன என்பதை இந்த பகுதியில் காண்போம்.

தெர்மோஸ்டாட்

முதலாவதாக ஏ.சி.யின் ரிமோட்டில் தெர்மோஸ்டாட்டைச் சரிபார்க்க வேண்டும். அதாவது, ஏ.சி.யின் இயக்கமுறை, எந்த மோடில் இருக்கிறது என்பதை ஆராய வேண்டும். பெரும்பாலும் ‘கூல்’ என்கிற மோடில் (ஸ்னோப்ளேக் சின்னத்துடன் கூடிய ஒன்று) இருப்பதையும், தற்போதைய அறை வெப்பநிலையை விட வெப்பநிலை குறைவாக இருப்பதையும் உறுதிப்படுத்திக் கொள்ளுங்கள். சில நேரங்களில், தெர்மோஸ்டாட் தற்செயலாக ‘பேன்' பயன்முறைக்கு மாறியிருக்கலாம். ஆகவே இது கொளுத்தும் வெப்பத்தை எதிர்த்துப் போராட போதுமான குளிர்ச்சியை வழங்காது.

ஏர் பில்டர்

அழுக்கு அல்லது அடைபட்ட ஏர் பில்டர் காற்றோட்டத்தைத் தடுத்து குளிரூட்டும் திறனைக் குறைக்கும். பில்டரில் தூசி அதிகமாக இருப்பதாகத் தோன்றினால் அல்லது சிறிது காலமாக சுத்தம் செய்யப்படாமல் இருந்தால், அதைக் கழுவவும் அல்லது மாற்றவும். அதிக பயன்பாட்டின்போது இரண்டு வாரங்களுக்கு ஒரு முறை பில்டரை சுத்தம் செய்வது நல்லது.

அவுட்டோர் சுத்தம்

பொதுவாக ஏ.சி.யின் அவுட்டோர் யூனிட்டை நாம் கவனிப்பதில்லை. வெளிப்புற கண்டன்சர், அறையை குளிர்விப்பதில் முக்கிய பங்கு வகிக்கிறது. அது தூசி, இலைகள் அல்லது குப்பைகளால் தடுக்கப்பட்டுள்ளதா? எனச் சரிபார்க்கவும். அதைச் சுற்றியுள்ள பகுதியை சுத்தம் செய்து ஏதேனும் தடைகளை நீக்குவது காற்று சுழற்சியை மேம்படுத்தி குளிரூட்டும் செயல்திறனை மீட்டெடுக்கும்.

பனி உருவாக்கம்

ஏ.சி. சுருள்கள், குழாய்களில் பனிக்கட்டிகள் படிவதை நீங்கள் கவனித்தால், ஏ.சி.யை அணைத்துவிட்டு சில மணி நேரம் பனிக்கட்டிகளை கரைய விடுங்கள். மோசமான காற்றோட்டம், குழாய்களில் சேதம் காரணமாக பனிக்கட்டிகள் உருவாகலாம். இதை தொடர்ந்து ‘செக்’ செய்து கொள்ளுங்கள்.

சர்க்யூட் பிரேக்கர்

சில நேரங்களில், சர்க்யூட் பிரேக்கர்கூட உங்கள் ஏ.சி. சரியாக வேலை செய்வதைத் தடுக்கலாம். மின் பேனலைச் சரிபார்த்து, தேவைப்பட்டால் பிரேக்கரை மாற்றலாம். மேலும், மின்சாரம் சீராக இருப்பதை உறுதிசெய்யவும்.