ஐ.எஸ்.எல். கால்பந்து: முகமதன் எஸ்.சி. அணியை வீழ்த்தி ஜாம்ஷெட்பூர் எப்.சி. வெற்றி

கொல்கத்தா,

13 அணிகள் இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் இந்தியாவின் பல்வேறு நகரங்களில் நடந்து வருகிறது. இந்த தொடரில் கொல்கத்தாவில் இன்று நடைபெற்ற ஆட்டத்தில் முகமதன் எஸ்.சி. - ஜாம்ஷெட்பூர் எப்.சி. அணிகள் மோதின.

விறுவிறுப்பாக நடைபெற்ற இந்த ஆட்டத்தில் ஜாம்ஷெட்பூர் அணி சார்பில் ரித்விக் தாஸ் (6-வது நிமிடம்), நிகில் பர்லா (82-வது நிமிடம்) இருவரும் தலா ஒரு கோல் அடித்தனர். முகமதன் எஸ்.சி. அணி எந்த கோலும் அடிக்கவில்லை. இந்த நிலையில் ஆட்டநேர முடிவில் ஜாம்ஷெட்பூர் அணி 2-0 என்ற கோல் கணக்கில் முகமதன் எஸ்.சி. அணியை வீழ்த்தி வெற்றி பெற்றது.