ஐ.எஸ்.எல். கால்பந்து: முகமதின் எஸ்.சி அணியை வீழ்த்தி மும்பை அணி வெற்றி

மும்பை,

13 அணிகள் இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் இந்தியாவின் பல்வேறு நகரங்களில் நடந்து வருகிறது. இந்த தொடரில் மும்பையில் இன்று நடைபெற்ற லீக் ஆட்டத்தில் மும்பை எப்.சி. - முகமதின் எஸ்.சி. அணிகள் மோதின.

விறுவிறுப்பாக நடைபெற்ற இந்த ஆட்டத்தில் மும்பை சிட்டி அணி சார்பில் கவுரவ் போரா (72-வது நிமிடம்), லல்லியன்சுவாலா சாங்டே (78-வது நிமிடம்), தேர் க்ரவுமா (82-வது நிமிடம்) ஆகியோர் தலா ஒரு கோல் அடித்தனர். முகமதின் எஸ்.சி. அணி எந்த கோலும் அடிக்கவில்லை. இந்த நிலையில் ஆட்டநேர முடிவில் மும்பை சிட்டி அணி 3-0 என்ற கோல் கணக்கில் முகமதின் எஸ்.சி. அணியை வீழ்த்தி வெற்றி பெற்றது.