ஆளுமை வளர்ச்சி

‘வாட்ஸ் ஆப்’ மூலம் வந்த வாய்ப்பு + "||" + In whatsapp, various business opportunities

‘வாட்ஸ் ஆப்’ மூலம் வந்த வாய்ப்பு

‘வாட்ஸ் ஆப்’ மூலம் வந்த வாய்ப்பு
சணல், துணிப்பை தயாரிக்கும் அந்தப் பயிற்சியை முடித்த பின்பு, வீட்டில் பழைய துணிகளை எடுத்துத் தைத்துப் பார்த்தேன். பை சிறப்பாகவே வந்திருந்தது. பிறகு பல வண்ணங்களில் பைகளைத் தைத்து, அவற்றை புகைப்படம் எடுத்து என்னுடைய வாட்ஸ் ஆப் ஸ்டேட்டசில் வைத்தேன்.
‘‘புதிது புதிதாகக் கற்றுக் கொள்ளும் ஆர்வம் எனக்கு உண்டு. அதனால் தான் குறுகிய காலத்தில் என்னால் தொழில் முனைவோராக வெற்றி பெற முடிந்தது’’ என்கிறார் பிரவீணா.

ஈரோடு அருகே உள்ள அந்தியூரைச் சேர்ந்த இவர் பைகள், கோப்புகள், பணப் பைகள், முக கவசங்கள், தாம்பூலப் பைகள் தயாரித்து ஆன்லைன் மூலம் விற்பனை செய்து வருகிறார். தற்போது நகைக் கடை
களுக்குப் பைகள் வடிவமைத்துக் கொடுக்கும் அளவுக்குத் தன்னை மேம்படுத்தி இருக்கிறார். கொரோனா பொது முடக்க காலத்திலும் தொய்வு இல்லாமல் தொழிலை நிர்வகித்த அவரிடம் பேசினோம்.

“திருமணத்துக்குப் பிறகு குடும்பத் தலைவியாக வீட்டு வேலைகளில் மூழ்கி இருந்தேன். ஒருநாள் ரேடியோவில் வங்கி ஒன்றின் சார்பில் பைகள் தயாரிப்பு குறித்த, சிறுதொழில் பயிற்சி வழங்கப்படுவதாக 
அறிவிப்பு வந்தது. ஆர்வத்தோடு அந்த எண்ணைத் தொடர்பு கொண்டு பதிவு செய்தேன். 

தினமும் வீட்டு வேலைகளை முடித்து விட்டு, பள்ளிக்குக் கிளம்புவது போல பயிற்சி மையத்துக்கு செல்வேன். சணல், துணிப்பை தயாரிக்கும் அந்தப் பயிற்சியை முடித்த பின்பு, வீட்டில் பழைய துணிகளை எடுத்துத் தைத்துப் பார்த்தேன். பை சிறப்பாகவே வந்திருந்தது. பிறகு பல வண்ணங்களில் பைகளைத் தைத்து, அவற்றை புகைப்படம் எடுத்து என்னுடைய வாட்ஸ் ஆப் ஸ்டேட்டசில் வைத்தேன்.



அதைப் பார்த்த எனது தோழி, ‘எனது மகனின் திருமணத்துக்கு, நீதான் தாம்பூலப்பை தைத்துக் கொடுக்க வேண்டும்’ என்றார். ஆயிரத்து ஐநூறு பைகள் செய்வதற்கு முதல் ஆர்டர் கிடைத்தது. முதல் முறையே பெரிய அளவில் செய்வதற்கு தயங்கிய என்னிடம், ‘உன் மீது எனக்கு நம்பிக்கை இருக்கிறது. நீயே செய்து கொடு’ என்றார் தோழி. என் மீது நான் வைக்காத நம்பிக்கையைத் தோழி வைத்திருந்தது எனக்கு ஆச்சரியத்தையும், தன்னம்பிக்கையையும் உண்டாக்கியது.

பல சிரமங்களுக்கு இடையில் நம்பிக்கையோடு இரவு, பகல் பார்க்காமல் தொடர்ந்து உறவினர் ஒருவரின் உதவியுடன் பைகள் தயார் செய்து ஒருநாள் முன்னதாகவே கொடுத்தேன். தோழிக்கும், திருமணத்துக்கு வந்திருந்த அனைவருக்கும் அந்தப் பை மிகவும் பிடித்திருந்தது” என்கிறார் பிரவீணா.

“நேர்மை, தரம் இதில் எப்போதும் சமரசம் செய்து கொள்வதில்லை. அதனால் நல்ல பெயருடன் நிறைய ஆர்டர்கள் எடுக்க முடிகிறது. ஆன்லைன் வர்த்தகத்தில் பல பெண்கள் ஏமாற்றத்தைச் சந்திப்பதாகச் சொல்கிறார்கள். நான் முதலில் பாதித் தொகையை முன்பணமாகப் பெற்றுக் கொள்வேன். பெண்கள் தொழிலில் ஈடுபடும்போது சில சிரமங்களை சந்திக்க நேரிடும். அவற்றைத் தாண்டி நமது கனவை நோக்கிப் பயணிக்க வேண்டும்” என்று கூறும் பிரவீணா மூன்று பேருக்கு வேலைவாய்ப்பும் வழங்கி இருக்கிறார். 

தொழில் நிறுவனம் தொடங்கி அதில் முழுவதும் பெண்களை நியமித்து நிர்வகிக்க வேண்டும்.  அதன் மூலம் அவர்களின் வாழ்க்கைத் தரத்தை உயர்த்த வேண்டும் என்ற எதிர்காலத் திட்டத்துடன் செயல்பட்டு வருகிறார். 

தொடர்புடைய செய்திகள்

1. மலைவாழ் மக்களிடையே மாற்றம் ஏற்படுத்திய மகாலட்சுமி
கொரோனா காலத்தில் பள்ளி மாணவர்களுக்கு இணைய வழியாக வகுப்புகள் நடந்தன. ஆனால், ஸ்மார்ட்போன் வாங்கும் வசதி இல்லாத காரணத்தால் பழங்குடி மாணவர்களின் கல்வியில் தேக்கம் ஏற்பட்டது. அவர்களுக்கு மீண்டும் கல்வியின் மீது கசப்பு வந்துவிடக் கூடாது என எண்ணினேன். எனவே, மீண்டும் மாணவர்களைத் தேடி அவர்களின் வீடுகளுக்கே சென்று பாடங்களை எடுக்கத் தொடங்கினேன்.
2. அழகுக்கு அழகு சேர்க்கும் ‘லைட்-வெயிட்’ மேக்கப்!
முகத்துக்கு அழகு சேர்ப்பவை கண்கள். அவற்றை அழகுபடுத்துவதன் மூலம் மேக்கப் முழுமை பெறும். ஐ ஷேடோ, ஐ லைனர், மஸ்காரா போன்ற அழகு சாதனப் பொருட்களை பயன்படுத்தி கண்களின் அழகை அதிகரிக்கலாம்.
3. பேஷன் உலகில் கலக்கும் சந்தியா
சிறு வயதில் என் பள்ளி சார்பாக நடைபெற்ற ஆடை அலங்கார அணிவகுப்பு போட்டிக்காக தேர்ந்து எடுக்கப்பட்டேன். அதில் இருந்தே எனக்கு அழகாக ஆடை அணிவது மிகவும் பிடிக்கும். அதுவே நான் ஆடை வடிவமைப்பாளர் துறையை தேர்வு செய்ததற்கு எனக்கு தூண்டுதலாக இருந்தது.
4. பெண்களுக்கு எதிரான வன்முறை ஒழிப்பு தினம்
பெண்களுக்கு எதிரான வன்முறைகளில் 90 சதவிகிதம் நெருங்கிய உறவினர்கள், நண்பர்கள், உடன் இருப்பவர்கள், பணியிடம் மற்றும் பயிலும் இடங்களில் உள்ளவர்களால் ஏற்படுகிறது என கருத்துக் கணிப்புகள் தெரிவிக்கின்றன.
5. முத்தமிழ் வளர்க்கும் மணிமொழி
இயல், இசை, நாடகம் மூலமாக தமிழ்த்தொண்டு ஆற்றுவதே என் வாழ்நாள் லட்சியம். உயர்தனிச் செம்மொழியான தமிழ் மொழியின் அருமை இளைய தலைமுறைக்குத் தெரியவில்லை என்பது எனது ஆதங்கம். என் பேச்சு, கவிதை, பாடல் போன்றவற்றின் மூலம் தமிழை அவர்களிடம் கொண்டு சேர்க்க விரும்புகிறேன்.