மாவட்ட செய்திகள்

உணவு பொருட்களை ஆய்வு செய்ய 6 பேர் அடங்கிய குழு அமைப்பு அதிகாரிகள் தகவல் + "||" + A team of 6 people, who are responsible for the study of food items

உணவு பொருட்களை ஆய்வு செய்ய 6 பேர் அடங்கிய குழு அமைப்பு அதிகாரிகள் தகவல்

உணவு பொருட்களை ஆய்வு செய்ய 6 பேர் அடங்கிய குழு அமைப்பு அதிகாரிகள் தகவல்
குடியாத்தம் கெங்கையம்மன் சிரசு திருவிழாவையொட்டி அங்கு விற்பனை செய்யப்படும் உணவு பொருட்களை ஆய்வு செய்ய 6 பேர் அடங்கிய குழு அமைக்கப்பட்டுள்ளது என உணவு பாதுகாப்பு அதிகாரிகள் தெரிவித்தனர்.
வேலூர்,

குடியாத்தம் நகரத்தின் புகழ்பெற்ற கெங்கையம்மன் சிரசு திருவிழா நாளை (செவ்வாய்க்கிழமை) நடைபெறுகிறது. இவ்விழாவை காண வேலூர், திருவண்ணாமலை மாவட்டங்களில் இருந்தும் ஆந்திரா, கர்நாடகா உள்பட அண்டை மாநிலங்களில் இருந்தும் ஏராளமான பக்தர்கள் வருவார்கள் என எதிர்பார்க்கப்படுகிறது.


இந்த திருவிழாவில் வேலூர் மாவட்டத்தை சேர்ந்த பொதுமக்கள், பக்தர்கள் மற்றும் அரசு அலுவலர்கள் கலந்து கொள்ள வசதியாக மாவட்டம் முழுவதும் நாளை உள்ளூர் விடுமுறை அறிவிக்கப்பட்டுள்ளது.

கெங்கையம்மன் திருவிழாவையொட்டி கோவில் அருகே பல்வேறு விதமான உணவுப்பொருட்கள், தின்பண்டங்கள், குளிர்பானங்கள் மற்றும் பழங்கள் விற்பனை செய்யப்படும். இவ்வாறு விற்பனை செய்யும் உணவு பொருட்கள் தரமானதாகவும், சுகாதாரமான முறையில் விற்பனை செய்யப்படுகிறதா? என்பதை ஆய்வு செய்ய உணவு பாதுகாப்பு அதிகாரிகள் குழு ஒன்றை அமைத்துள்ளனர். அக்குழுவை சேர்ந்தவர்கள் நாளையும், நாளை மறுதினமும் கடைகளில் ஆய்வு செய்ய உள்ளனர்.

இதுகுறித்து உணவு பாதுகாப்பு அதிகாரிகள் கூறுகையில், குடியாத்தம் கெங்கையம்மன் சிரசு திருவிழாவில் விற்பனை செய்யப்படும் அனைத்து உணவுப்பொருட்கள், தின்பண்டங்கள் சுத்தமாக, சுகாதாரமாக விற்பனை செய்யப்பட வேண்டும் என கடைக்காரர்களுக்கு அறிவுறுத்தப்பட்டுள்ளது.

இங்குள்ள கடைகளில் விற்பனை செய்யப்படும் உணவு பொருட்களை வாங்கி சாப்பிடும் பக்தர்களின் ஆரோக்கியத்தை பாதுகாக்கும் வகையில் உணவுப்பொருட்களை ஆய்வு செய்ய 6 பேர் அடங்கிய குழு ஒன்று அமைக்கப்பட்டுள்ளது. குழுவினர் அனைத்து கடைகளில் ஆய்வு செய்ய உள்ளனர். அப்போது தரமற்ற உணவுப்பொருட்கள், தின்பண்டங்களை விற்பனை செய்யும் கடைக்காரர்கள் மீது கடும் நடவடிக்கை எடுக்கப்படும் என்றனர். 

தொடர்புடைய செய்திகள்

1. அரசு மருத்துவமனையில் சிறுநீரக மாற்று அறுவை சிகிச்சை ஒப்புயர்வு மையம் அமைக்க அனுமதி அமைச்சர் தகவல்
புதுக்கோட்டை அரசு மருத்துவக்கல்லூரி மருத்துவமனையில் சிறுநீரக மாற்று அறுவை சிகிச்சை ஒப்புயர்வு மையம் அமைக்க அனுமதி கிடைத்து உள்ளது என்று அமைச்சர் விஜயபாஸ்கர் தெரிவித்தார்.
2. 27-ந் தேதி கும்பாபிஷேகம் கன்னியாகுமரி வெங்கடாசலபதி கோவிலில் திருப்பதி தேவஸ்தான அதிகாரிகள் ஆய்வு
கன்னியாகுமரி வெங்கடாசலபதி கோவிலில் வருகிற 27-ந் தேதி கும்பாபிஷேகம் நடைபெறுகிறது. இதனையொட்டி நேற்று திருப்பணிகளை திருப்பதி தேவஸ்தான அதிகாரிகள் ஆய்வு செய்தனர்.
3. திருச்சி விமானநிலையத்தில் அதிகாரிகள், பாதுகாப்பு படையினர் மோதல் சோதனையின்றி மலேசியா பறந்த 130 பயணிகள்
திருச்சி விமானநிலையத்தில் அதிகாரிகள், பாதுகாப்பு படையினர் இடையே ஏற்பட்ட மோதலை தொடர்ந்து சுங்க அதிகாரிகள் சோதனையின்றி 130 பயணிகள் மலேசியா சென்றதால் பரபரப்பு ஏற்பட்டது.
4. பெரம்பலூர் மாவட்டத்தில் 28 ஆயிரம் பேருக்கு சமையல் எரிவாயு இணைப்பு அதிகாரி தகவல்
பெரம்பலூர் மாவட்டத்தில் 28 ஆயிரம் பேருக்கு இலவச சமையல் எரிவாயு இணைப்பு வழங்கப்பட்டுள்ளதாக இந்தியன் ஆயில் கார்ப்பரேசனின் திருச்சி மண்டல முதுநிலை மேலாளர் ஜெய்சங்கர் தெரிவித்தார்.
5. பிளாஸ்டிக் பயன்பாடு குறித்து அதிகாரிகள் ஆய்வு
சுற்றுச்சூழல் மற்றும் நீர்நிலைகளை பாதுகாக்கும் பொருட்டு ஒருமுறை பயன்படுத்தி விட்டு தூக்கி எறியப்படும் பிளாஸ்டிக் டம்ளர்கள், கப்புகள், பைகள் உள்பட 14 வகையான பிளாஸ்டிக் பொருட்கள் பயன்படுத்த தமிழக அரசு தடை விதித்துள்ளது.