மாவட்ட செய்திகள்

தேசிய மக்கள் நீதிமன்றத்தில் 1,296 வழக்குகளுக்கு தீர்வு: ரூ.4 கோடியே 67 லட்சம் இழப்பீடு வழங்கப்பட்டது + "||" + National People's Court to settle 1,296 cases

தேசிய மக்கள் நீதிமன்றத்தில் 1,296 வழக்குகளுக்கு தீர்வு: ரூ.4 கோடியே 67 லட்சம் இழப்பீடு வழங்கப்பட்டது

தேசிய மக்கள் நீதிமன்றத்தில் 1,296 வழக்குகளுக்கு தீர்வு: ரூ.4 கோடியே 67 லட்சம் இழப்பீடு வழங்கப்பட்டது
புதுவையில் நேற்று நடைபெற்ற தேசிய மக்கள் நீதிமன்றத்தில் 1,296 வழக்குகளுக்கு தீர்வு காணப்பட்டது. ரூ.4 கோடியே 67லட்சத்து 66ஆயிரத்து 167 இழப்பீடாக வழங்கப்பட்டது.

புதுச்சேரி,

தேசிய சட்டப்பணிகள் ஆணையத்தின் செயல் தலைவரும், சுப்ரீம் கோர்ட்டு நீதிபதியுமான ரஞ்சன் கோகாய் உத்தரவுபடியும், சென்னை ஐகோர்ட்டு நீதிபதியும் புதுச்சேரி மாநில சட்டப்பணிகள் ஆணைய செயல் தலைவருமான ஹீலுவாடி ஜீ.ரமேஷ் வழிகாட்டுதலின்படி புதுவை ஒருங்கிணைந்த நீதிமன்ற வளாகத்தில் தேசிய மக்கள் நீதிமன்றம் நேற்று நடந்தது.

இதன் தொடக்க விழாவிற்கு புதுச்சேரி மாவட்ட சட்டப்பணிகள் ஆணைய தலைவரும், தலைமை நீதிபதியுமான தனபால் தலைமை தாங்கி கோர்ட்டு பணிகளை தொடங்கி வைத்தார். நிகழ்ச்சியில் மாநில சட்டப்பணிகள் ஆணைய உறுப்பினர் செயலாளரும், மாவட்ட நீதிபதி சோபனாதேவி, மாவட்ட சட்டப்பணிகள் ஆணையத்தின் செயலாளரும், புதுச்சேரி முதன்மை சார்புநிலை நீதிபதியுமான எழிலரசி மற்றும் நீதிபதிகள், அரசு வக்கீல்கள், வக்கீல்கள் அரசுத்துறை அதிகாரிகள், காப்பீட்டு நிறுவன அதிகாரிகள், வங்கி அதிகாரிகள் பலர் கலந்து கொண்டனர்.

தேசிய மக்கள் நீதிமன்றத்தில் புதுச்சேரி ஒருங்கிணைந்த நீதிமன்ற வளாகத்தில் 8 அமர்வுகளும், சட்டப்பணிகள் ஆணைய வளாகத்தில் ஒரு அமர்வும், காரைக்கால், மாகி, ஏனாம் பகுதிகளில் தலா ஒரு அமர்வும் நடந்தது.

இதில் சமாதானமாகக்கூடிய கிரிமினல் வழக்குகள், காசோலை வழக்குகள், வாகன விபத்து நஷ்டஈடு வழக்குகள், கணவன்–மனைவி பிரச்சினை சம்பந்தப்பட்ட வழக்குகள், குடும்ப நீதிமன்ற வழக்குகள், ஜீவனாம்ச வழக்குகள், உரிமையியல், சிவில் வழக்குகள், தொழிலாளர் சம்பந்தப்பட்ட வழக்குகள், சிவில் வழக்குகள் மற்றும் வங்கி கடன் சம்பந்தப்பட்ட நேரடி வழக்குகள் என நிலுவையில் உள்ள மொத்தம் 5,991 வழக்குகள் விசாரணைக்கு எடுத்துக்கொள்ளப்பட்டன. இதில் 1,296 வழக்குகளுக்கு தீர்வு காணப்பட்டு ரூ.4கோடியே 67லட்சத்து 66ஆயிரத்து 167 இழப்பீடாக வழங்கப்பட்டது.



தொடர்புடைய செய்திகள்

1. ‘பொதுச்செயலாளரே, அ.தி.மு.க.வின் ஒரே அடையாளம்’ டெல்லி ஐகோர்ட்டில் டி.டி.வி.தினகரன் தரப்பினர் வாதம்
அ.தி.மு.க.வின் ஒரே அடையாளமாக இருப்பது பொதுச்செயலாளரும், அந்த பதவிக்கான தேர்தலும் ஆகும் என இரட்டை இலை சின்னம் தொடர்பான வழக்கில் டி.டி.வி.தினகரன் தரப்பினர் டெல்லி ஐகோர்ட்டில் வாதிட்டனர்.
2. சப்-இன்ஸ்பெக்டரை தாக்கிய பா.ஜனதா நிர்வாகி மீது வழக்கு போலீஸ் நிலையம் முற்றுகை-பரபரப்பு
மார்த்தாண்டம் மேம்பாலத்தில் ஏற்பட்ட மோதலில் போலீஸ் சப்-இன்ஸ்பெக்டரை தாக்கியதாக பா.ஜனதா நிர்வாகி மீது வழக்குப்பதிவு செய்யப்பட்டது. இதை கண்டித்து பா.ஜனதாவினர் போலீஸ் நிலையத்தை முற்றுகையிட்டதால் பரபரப்பு ஏற்பட்டது.
3. மருந்து கடைகளில் ஆய்வு; இருவர் மீது வழக்கு
அரியலூர் மாவட்டத்தில் பல கிராமங்களில் மர்ம காய்ச்சல் பரவி வரும் நிலையில் டெங்கு காய்ச்சல், பன்றி காய்ச்சல் போன்றவற்றால் நோயாளிகள் இறக்க நேரிடுகிறது.
4. ‘சர்கார்’ பட டிக்கெட்டுகளை கூடுதல் விலைக்கு விற்பதை தடுக்க கோரி வழக்கு; மதுரை ஐகோர்ட்டில் இன்று விசாரணை
‘சர்கார்‘ பட டிக்கெட்டுக்கு ரூ.1,000 வரை வசூலிப்பதாகவும், எனவே கூடுதல் தொகை வசூலிப்பதை தடுக்க கோரி மதுரை ஐகோர்ட்டில் வழக்கு தொடரப்பட்டுள்ளது. அந்த வழக்கு இன்று விசாரணைக்கு வருகிறது.
5. மீ டூ விவகாரத்தில் வழக்கு பதிவு செய்ய வேண்டும் - இந்து மக்கள் கட்சி தலைவர் அர்ஜுன்சம்பத் பேட்டி
மீ டூ விவகாரத்தில் யாராக இருந்தாலும் வழக்கு பதிவு செய்து கடும் நடவடிக்கை எடுக்க வேண்டும் என்று இந்து மக்கள் கட்சி தலைவர் அர்ஜுன் சம்பத் கூறினார்.