மாவட்ட செய்திகள்

கிருஷ்ணகிரி: 756 இடங்களில் விநாயகர் சிலைகள் வைக்க அனுமதி + "||" + Krishnagiri: Allowing Vinayaka statues to be kept in 756 places

கிருஷ்ணகிரி: 756 இடங்களில் விநாயகர் சிலைகள் வைக்க அனுமதி

கிருஷ்ணகிரி: 756 இடங்களில் விநாயகர் சிலைகள் வைக்க அனுமதி
விநாயகர் சதுர்த்தியையொட்டி கிருஷ்ணகிரி மாவட்டத்தில் 756 இடங்களில் விநாயகர் சிலைகள் வைக்க போலீஸ் சார்பில் அனுமதி வழங்கப் பட்டுள்ளது.
கிருஷ்ணகிரி,

விநாயகர் சதுர்த்தி விழா இன்று (வியாழக்கிழமை) கொண்டாடப்படுகிறது. அதன்படி கிருஷ்ணகிரி மாவட்டத்தில் விநாயகர் சதுர்த்தி விழா நகரப்பகுதிகளிலும், கிராமப்பகுதிகளிலும் விமரிசையாக கொண்டாடப்பட உள்ளது. இதையொட்டி விநாயகர் சிலைகள் வைத்து விழா கொண்டாட உள்ளனர்.

விநாயகர் சிலைகள் வைக்க சம்பந்தப்பட்ட போலீஸ் நிலையங்களில் முன் அனுமதி பெற வேண்டும். அவ்வாறு விநாயகர் சிலைகளை பிரதிஷ்டை செய்ய போலீசார் அனுமதித்துள்ள தேதி, எத்தனை நாள், ஊர்வலமாக எடுத்து செல்வது, எந்த நீர் நிலைகளில் கரைக்க வேண்டும் என்பன போன்றவை குறித்து ஏற்கனவே அறிவுறுத்தப்பட்டுள்ளது.

அதன்படி கிருஷ்ணகிரி மாவட்டத்தில் நேற்று வரை ஓசூர் உட்கோட்டத்தில் 298 சிலைகளும், கிருஷ்ணகிரி உட்கோட்டத்தில் 111 சிலைகளும், பர்கூர் உட்கோட்டத்தில் 65 சிலைகளும், ஊத்தங்கரை உட்கோட்டத்தில் 88 சிலைகளும், தேன்கனிக்கோட்டை உட்கோட்டத்தில் 194 சிலைகளும் என மாவட்டம் முழுவதும் 756 இடங்களில் சிலைகள் வைக்க அனுமதி வழங்கப்பட்டுள்ளது.

அத்துடன் கிருஷ்ணகிரி, ஓசூர், காவேரிப்பட்டணம், பர்கூர், ஊத்தங்கரை, போச்சம்பள்ளி, தேன்கனிக்கோட்டை, தளி, சூளகிரி, ராயக்கோட்டை, கெலமங்கலம், அஞ்செட்டி, வேப்பனப்பள்ளி உள்பட மாவட்டத்தின் பல்வேறு பகுதிகளில் விநாயகர் சிலைகள் சிறியது முதல் பெரியது வரை வைக்க உரிய ஏற்பாடுகளை பக்தர்கள் செய்துள்ளனர்.

இந்த விநாயகர் சிலைகளை பிரதிஷ்டை செய்யும்போது எவ்வித அசம்பாவிதமும் ஏற்படாமல் இருக்க மாவட்டம் முழுவதும் 500-க்கும் மேற்பட்ட போலீசார் மற்றும் ஊர்காவல் படையினருடன் சேர்ந்து ரோந்து பணியில் ஈடுபடுத்தப்பட உள்ளனர்.

விநாயகர் சதுர்த்தியையொட்டி பல்வேறு இடங்களில் விற்பனைக்காக விநாயகர் சிலைகள் வைக்கப்பட்டுள்ளன.


தொடர்புடைய செய்திகள்

1. கிருஷ்ணகிரி: பணம் வைத்து சூதாடிய 15 பேர் கைது
கிருஷ்ணகிரி மாவட்டத்தில் பணம் வைத்து சூதாடிய 15 பேர் கைது செய்யப்பட்டனர்.
2. கிருஷ்ணகிரி, தர்மபுரி மாவட்டங்களில் 1,783 விநாயகர் சிலைகள் கரைப்பு
கிருஷ்ணகிரி, தர்மபுரி மாவட்டங்களில் நேற்று ஒரே நாளில் 1,783 விநாயகர் சிலைகள் ஊர்வலமாக எடுத்து சென்று கரைக்கப்பட்டன.
3. வாக்காளர் பட்டியலில் பெயர் சேர்த்தல், நீக்குதல் தொடர்பான சிறப்பு முகாம் - கலெக்டர் பிரபாகர் நேரில் ஆய்வு
வாக்காளர் பட்டியலில் பெயர் சேர்த்தல், நீக்குதல் தொடர்பான சிறப்பு முகாமை கலெக்டர் பிரபாகர் நேரில் ஆய்வு செய்தார்.
4. விடிய, விடிய லஞ்ச ஒழிப்பு போலீசார் அதிரடி சோதனை: கைதான திட்ட இயக்குனர் வீட்டில் ரூ.8 லட்சம் சிக்கியது
லஞ்சம் வாங்கியபோது கைதான திட்ட இயக்குனர் வீட்டில் விடிய, விடிய நடந்த லஞ்ச ஒழிப்பு போலீசாரின் அதிரடி சோதனையில் கணக்கில் வராத ரூ.8 லட்சம் சிக்கியது.
5. கிருஷ்ணகிரி: வேலை கிடைக்காத விரக்தியில் என்ஜினீயர் விஷம் குடித்து தற்கொலை
வேலை கிடைக்காத விரக்தியில் என்ஜினீயர் ஒருவர் விஷத்தை குடித்து தற்கொலை செய்து கொண்டார். அவர் எழுதி வைத்திருந்த கடிதத்தை கைப்பற்றி போலீசார் விசாரணை நடத்தி வருகின்றனர்.