மாவட்ட செய்திகள்

தமிழக- கேரள எல்லையில் மாவோயிஸ்டுகள் நடமாட்டம்: ஆதிவாசி கிராமங்களில் போலீசார் தேடுதல் வேட்டை + "||" + Maoists move in Tamil Nadu-Kerala border: Police search in Adivasi villages

தமிழக- கேரள எல்லையில் மாவோயிஸ்டுகள் நடமாட்டம்: ஆதிவாசி கிராமங்களில் போலீசார் தேடுதல் வேட்டை

தமிழக- கேரள எல்லையில் மாவோயிஸ்டுகள் நடமாட்டம்: ஆதிவாசி கிராமங்களில் போலீசார் தேடுதல் வேட்டை
தமிழக- கேரள எல்லையில் மாவோயிஸ்டுகள் நடமாட்டம் உள்ளதால் ஆதிவாசி கிராமங்களில் போலீசார் தேடுதல் வேட்டையில் ஈடுபட்டு உள்ளனர்.
குன்னூர், 

தமிழக- கேரள எல்லையில் மாவோயிஸ்டுகள் நடமாட்டம் உள்ளது. இவர்கள் அடிக்கடி வனப்பகுதியில் வசித்து வரும் ஆதிவாசி கிராமங்களில் ஊடுருவி வருகின்றனர். இவர்களை பிடிக்க மாவோயிஸ்டு தடுப்பு பிரிவு போலீசார் தீவிரமாக கண்காணித்து தேடுதல் வேட்டையில் ஈடுபட்டு வருகின்றனர்.

குன்னூர் அருகே உள்ள கொலக்கம்பை, மானார், மூப்பர்காடு, சிங்காரா, ஆடர்வி போன்ற பகுதிகளில் ஆதிவாசி மக்கள் வசித்து வருகின்றனர். இந்த கிராமங்கள் அனைத்தும் தமிழக மற்றும் கேரளா வனப்பகுதியை ஒட்டி அமைந்து உள்ளது. மாவோயிஸ்டுகள் எளிதாக இந்த கிராமங்களுக்குள் ஊடுருவ வாய்ப்பு உள்ளதால் போலீசார் தீவிர கண்காணிப்பு பணியில் ஈடுபட்டு வருகின்றனர்.

செங்கல்கேம்பை ஆதிவாசி கிராமத்துக்குள் கடந்த 2 ஆண்டுகளுக்கு முன்பு மாவோயிஸ்டுகள் வந்தனர். பின்னர் அவர்கள் கிராமத்திலேயே தங்கி, சமையல் செய்து சாப்பிட்டு விட்டு அங்குள்ள மக்களிடம் உணவு பொருட்களை வாங்கி சென்றதுடன், அங்கு நோட்டீசையும் ஒட்டிச்சென்றனர்.
எனவே இந்த பகுதியில் மீண்டும் மாவோயிஸ்டுகள் ஊடுருவலாம் என்ற சந்தேகம் போலீசாருக்கு இருந்து வந்தது. இதன் பேரில் நீலகிரி மாவட்ட போலீஸ் சூப்பிரண்டு சண்முகப்பிரியா அறிவுரையின் பேரில் மாவோயிஸ்டு தடுப்பு பிரிவு சப்-இன்ஸ்பெக்டர் பழனிச்சாமி தலைமையில் 15 பேர் கொண்ட அதிரடிப்படை போலீசார் நேற்று தீவிர தேடுதல் வேட்டையில் ஈடுபட்டனர்.

மானார் தூதூர்மட்டத்தில் இருந்து கொலக்கம்பை சிங்காரா எஸ்டேட் மற்றும் ஆடர்லி வழியாக ஆதிவாசி கிராமங்களிலும், அருகே உள்ள வனப்பகுதிகளிலும் போலீசார் தேடுதல் வேட்டை நடத்தினர்.

மேலும், புதிய ஆட்களின் நடமாட்டம் இருப்பின், உடனடியாக, போலீசாரை தொடர்பு கொண்டு தகவல் தெரிவிக்க வேண்டும் என ஆதிவாசி மக்களை போலீசார் கேட்டுக்கொண்டு உள்ளனர்.


தொடர்புடைய செய்திகள்

1. ஒடிசா போலீஸ் அதிகாரிக்கு ‘அசோக சக்ரா’ விருது - உள்துறை அமைச்சகம் அறிவிப்பு
மாவோயிஸ்டுகளுடன் சண்டையிட்டு உயிர் தியாகம் செய்த ஒடிசா போலீஸ் அதிகாரிக்கு, அசோக சக்ரா விருது வழங்க உள்ளதாக உள்துறை அமைச்சகம் அறிவித்துள்ளது.
2. லாரி உரிமையாளர் வீட்டை போலீசார் சுற்றி வளைத்து தேடுதல் வேட்டை
சத்துவாச்சாரி மூலக்கொல்லையில் மணல் கடத்தலில் தொடர்புடைய லாரி உரிமையாளர் வீட்டை போலீசார் சுற்றி வளைத்து தேடுதல் வேட்டை நடத்தினர். இதனால் அப்பகுதியில் பரபரப்பு ஏற்பட்டது.
3. மாவோயிஸ்டுகள் கண்ணிவெடி தாக்குதல்: பாதுகாப்பு படையினர் 7 பேர் பலி
சத்தீஷ்கார் மாநிலத்தில் மாவோயிஸ்டுகள் நடத்திய கண்ணிவெடி தாக்குதலில் சிக்கி பாதுகாப்பு படையினர் 7 பேர் பரிதாபமாக உயிரிழந்தனர்.
4. கனரா வங்கியில் ரூ.1 கோடி மோசடி செய்தவர்களை பிடிக்க நெல்லையில் தனிப்படை போலீசார் தேடுதல் வேட்டை
தேனி கனரா வங்கி கிளையில் ரூ.1 கோடி மோசடி செய்த நகை மதிப்பீட்டாளர் உள்பட 2 பேரை பிடிக்க தனிப்படை போலீசார் நெல்லையில் தேடுதல் வேட்டை நடத்தி வருகின்றனர். வங்கி லாக்கரில் இருந்து மாயமான நகைகளை மீட்பதில் சிக்கல் ஏற்பட்டுள்ளது.
5. போலீசாருக்கு டிமிக்கி கொடுக்கும் குட்கா ஆலை அதிபர் டெல்லியில் 15 நாள் தேடுதல் வேட்டை நடத்தியும் கைது செய்ய முடியவில்லை
டெல்லியில் கடந்த 15 நாட்களாக தேடுதல் வேட்டை நடத்தியும் குட்கா ஆலை அதிபர்: போலீசாரிடம் பிடிபடாமல் டிமிக்கி கொடுத்து வருகிறார்.