மாவட்ட செய்திகள்

பயனாளிகளுக்கு நலத்திட்ட உதவிகள் கலெக்டர் விஜயலட்சுமி வழங்கினார் + "||" + Assistant Collector Vijayalakshmi provided benefits to beneficiaries

பயனாளிகளுக்கு நலத்திட்ட உதவிகள் கலெக்டர் விஜயலட்சுமி வழங்கினார்

பயனாளிகளுக்கு நலத்திட்ட உதவிகள் கலெக்டர் விஜயலட்சுமி வழங்கினார்
உடையார்பாளையம் அருகே உள்ள மணகெதி கிராமத்தில் மக்கள் தொடர்பு முகாம் நடைபெற்றது.
உடையார்பாளையம்,

உடையார்பாளையம் அருகே உள்ள மணகெதி கிராமத்தில் மக்கள் தொடர்பு முகாம் நடைபெற்றது. முகாமிற்கு மாவட்ட கலெக்டர் விஜயலட்சுமி தலைமை தாங்கி, மகளிர் சுய உதவிக்குழுக்களுக்கு பொங்கல் வாழ்த்து மடல்களையும், 35 பயனாளிகளுக்கு ரூ.2 லட்சத்து 50 ஆயிரம் மதிப்பில் இலவச வீட்டுமனை பட்டா, நத்தம் பட்டா மாற்றம், நிலப்பட்டா மாற்றம் நகல் களுக்கான ஆணைகள், 27 பயனாளிகளுக்கு ரூ.3 லட்சத்து 80 ஆயிரத்து 500 மதிப்பில் இலவச வீட்டுமனை பட்டா, இயற்கை மரணம், திருமண உதவித்தொகைக்கான ஆணைகள், 6 பயனாளிகளுக்கு ரூ.1 லட்சத்து 47 ஆயிரத்து 892 மதிப்பில் விசைத்தெளிப்பான் கருவிகள், 4 பயனாளிகளுக்கு ரூ.66 ஆயிரத்து 176 மதிப்பில் மழைத்தூவான், வீரியரக விதைகள், 10 பயனாளிகளுக்கு பிறப்பு சான்றிதழ்கள் என ரூ.8 லட்சத்து 44 ஆயிரத்து 568 மதிப்பிலான நலத்திட்ட உதவிகளை வழங்கினார். மேலும் முகாமில் அமைக்கப்பட்டுள்ள அரங்குகளில் தமிழக அரசின் நலத்திட்டங்கள் பற்றிய புகைப்படங்களை பொதுமக்கள் ஆர்வத்துடன் பார்த்தனர். இந்த முகாமில் மாவட்ட வருவாய் அதிகாரி தனசேகரன், மாவட்ட ஊரக வளர்ச்சி முகமை திட்ட இயக்குனர் சுந்தரராஜன், மாவட்ட கலெக்டரின் நேர்முக உதவியாளர் பரிதாபானு, சமூக பாதுகாப்பு திட்ட துணை கலெக்டர் பூங்கோதை, மகளிர் திட்ட இயக்குனர் லலிதா, ஊராட்சிகள் உதவி இயக்குனர் பழனிசாமி, தோட்டக்கலைத்துறை உதவி இயக்குனர் சரண்யா, ஆதிதிராவிடர் மற்றும் பழங்குடியினர் நல அலுவலர் சங்கர் மற்றும் அனைத்துத்துறை அலுவலர்கள், பொதுமக்கள் பலர் கலந்துகொண்டனர். முன்னதாக உடையார்பாளையம் கோட்டாட்சியர் ஜோதி வரவேற்றார். முடிவில் ஜெயங்கொண்டம் வட்டாட்சியர் குமரைய்யா நன்றி தெரிவித்தார். 

தொடர்புடைய செய்திகள்

1. உரிமம் பெறாமல் வீட்டு உபயோக பூச்சி மருந்துகள் விற்றால் நடவடிக்கை கலெக்டர் எச்சரிக்கை
உரிமம் பெறாமல் வீட்டு உபயோக பூச்சி மருந்துகள் விற்பனை செய்யும் விற்பனையாளர்கள் மீது நடவடிக்கை எடுக்கப்படும் என கலெக்டர் உமா மகேஸ்வரி எச்சரிக்கை விடுத்துள்ளார்.
2. 5 வயதிற்கு உட்பட்ட அனைத்து குழந்தைகளுக்கும் உப்பு, சர்க்கரை பொட்டலங்கள் கலெக்டர் தகவல்
புதுக்கோட்டை மாவட்டத்தில் வருகிற 28-ந் தேதி முதல் 5 வயதிற்கு உட்பட்ட அனைத்து குழந்தைகளுக்கும் வீடு, வீடாக சென்று வாய்வழி உப்பு, சர்க்கரை பொட்டலங்கள் வழங்கப்பட உள்ளது என கலெக்டர் உமா மகேஸ்வரி தெரிவித்து உள்ளார்.
3. திருவாரூர் மாவட்ட அரசு இசைப்பள்ளியில் சேர விண்ணப்பிக்கலாம் கலெக்டர் ஆனந்த் தகவல்
திருவாரூர் மாவட்ட அரசு இசைப்பள்ளியில் சேர விண்ணப்பிக்கலாம் என கலெக்டர் ஆனந்த் தெரிவித்தார்.
4. பதிவு செய்ய அதிகாரிகள் நியமனம்: எழுத்துப்பூர்வமான ஒப்பந்தமின்றி இடங்களை வாடகைக்கு விடக்கூடாது கலெக்டர் ராமன் தகவல்
எழுத்துப்பூர்வமான ஒப்பந்தம் இன்றி இடங்களை வாடகைக்கு விடக்கக்கூடாது என்றும், வாடகைக்கு விடப்படும் இடங்களை பதிவு செய்ய அதிகாரிகள் நியமிக்கப்பட்டுள்ளதாகவும் கலெக்டர் ராமன் தெரிவித்துள்ளார்.
5. கலெக்டர் அலுவலகத்தில் விவசாயிகள் குடை பிடித்தபடி நூதன ஆர்ப்பாட்டம் முதியவர் தீக்குளிக்க முன்றதால் பரபரப்பு
திருவண்ணாமலை கலெக்டர் அலுவலகத்தில் விவசாயிகள் குடைபிடித்தபடி நூதன முறையில் ஆர்ப்பாட்டத்தில் ஈடுபட்டனர். மேலும் முதியவர் தீக்குளிக்க முயன்றதால் பரபரப்பு ஏற்பட்டது.