மாவட்ட செய்திகள்

சீர்காழி அருகே நாங்கூரில் 12 சிவபெருமான்-அம்பிகைக்கு திருக்கல்யாணம் திரளான பக்தர்கள் சாமி தரிசனம் + "||" + Nangur near Sirkazhi 12 Lord Shiva - Ambica is a great pilgrimage to the devotees

சீர்காழி அருகே நாங்கூரில் 12 சிவபெருமான்-அம்பிகைக்கு திருக்கல்யாணம் திரளான பக்தர்கள் சாமி தரிசனம்

சீர்காழி அருகே நாங்கூரில் 12 சிவபெருமான்-அம்பிகைக்கு திருக்கல்யாணம் திரளான பக்தர்கள் சாமி தரிசனம்
சீர்காழி அருகே நாங்கூரில் 12 சிவபெருமான்-அம்பிகைக்கு திருக்கல்யாணம் நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர்.
சீர்காழி,

நாகை மாவட்டம், சீர்காழி அருகே நாங்கூர் கிராமம் உள்ளது. சைவ, வைணவ கோவில்களை அதிகம் கொண்டுள்ள இவ்வூரை சுற்றி 11 திவ்யதேச பெருமாள் கோவில்களும், 12 பிரசித்தி பெற்ற சிவன் கோவில்களும் உள்ளன. முன்பொரு காலத்தில் நாங்கூரில் உள்ள மதங்காஸ்ரமத்தில் (மதங்கீஸ்வரர் கோவில்) மதங்க ரிஷி என்பவர் தவம் செய்தபோது பார்வதி தேவி பெண்ணாக அவதரித்து பின்னர் சிவபெருமானை திருமணம் செய்துகொண்டு, மதங்க ரிஷிக்கும், நந்தி தேவருக்கும் திருமண கோலத்தில் காட்சி தந்ததாக புராண வரலாறு கூறுகிறது.


இந்த நிகழ்வை போற்றும் வகையில் வைகாசி மாத ரோகிணி நட்சத்திரத்தையொட்டி நாங்கூரில் உள்ள மதங்கீஸ்வரர் கோவிலில் ரிஷப வாகனத்தில் மதங்கீஸ்வரர் உள்பட 12 சிவபெருமான்-அம்பிகைக்கு திருக்கல்யாணமும், நந்தி தேவருக்கு திருமண கோலத்தில் காட்சி அளிக்கும் நிகழ்ச்சியும் நடைபெறும். அதன்படி இந்த ஆண்டு நேற்று முன்தினம் திருக்கல்யாணமும், நந்தி தேவருக்கு காட்சி அளிக்கும் நிகழ்ச்சியும் நடைபெற்றது.

இதையொட்டி நாங்கூர் பகுதியில் உள்ள மதங்கீஸ்வரர், அமிர்தபுரீஸ்வரர், நம்புவார்கன்பர், கைலாசநாதர், செம்பதனிருப்பு நாகநாதர், திருக்காட்டுப்பள்ளி ஆரண்யேஸ்வரர், திருயோகீஸ்வரம் யோகநாதர், திருசொர்ணபுரம் சொர்ணபுரீஸ்வரர், திருமேனிக்கூடம் சுந்தரேஸ்வரர், பெருந்தோட்டம் ஐராவதேசுவரர், அன்னப்பன்பேட்டை கலிக்காமேஸ்வரர், நயினிபுரம் நயனவரதேஸ்வரர் ஆகிய 12 கோவில்களில் உள்ள சிவபெருமான்கள்-அம்பிகைகளுடன் வீதி உலா சென்று நாங்கூர் கீழவீதியில் உள்ள மதங்கீஸ்வரர் கோவிலில் எழுந்தருளினர்.

ரிஷப வாகனம்

தொடர்ந்து சிறப்பு யாகமும், அபிஷேகமும் நடைபெற்றது. பின்னர் ரிஷப வாகனங்களில் எழுந்தருள செய்து, வேதமந்திரங்கள் முழங்க ஒரே நேரத்தில் 12 சிவபெருமான்களுக்கும்-அம்பிகைகளுக்கும் திருக்கல்யாணம் நடைபெற்றது. அதனை தொடர்ந்து அன்று இரவு 10 மணிக்கு மதங்க ரிஷிக்கும், நந்தி தேவருக்கும் திருமண கோலத்தில் காட்சி அளித்தனர்.

பின்னர் மகாதீபாராதனை காண்பிக்கப்பட்டது. அப்போது அங்கு கூடியிருந்த ஆயிரக்கணக்கான பக்தர்கள் ‘சிவ சிவ’ என சரணகோஷமிட்டு சாமி தரிசனம் செய்தனர். இதில் கோவில் நிர்வாக அதிகாரிகள் முருகன், அன்பரசன், முருகையன், ஒருங்கிணைப்பாளர் நாகராஜ சிவாச்சாரியார், மாவட்ட காங்கிரஸ் செயலாளர் அன்பு உள்பட பலர் கலந்து கொண்டனர். 

தொடர்புடைய செய்திகள்

1. நெரூர் அக்னீஸ்வரர் கோவிலில் நாத உற்சவ பெருவிழா கோலாகலம் திரளான பக்தர்கள் சாமி தரிசனம்
கரூர் அருகே நெரூர் அக்னீஸ்வரர் கோவிலில் நாத உற்சவ பெருவிழா கோலாகலமாக நடந்தது. இதில் திரளான பக்தர்கள் கலந்து கொண்டு சாமிதரிசனம் செய்தனர்.
2. சேலம் அம்மாபேட்டை செங்குந்தர் மாரியம்மன் கோவில் தேரோட்டம் திரளான பக்தர்கள் தரிசனம்
சேலம் அம்மாபேட்டை செங்குந்தர் மாரியம்மன் கோவில் ஆடி திருவிழாவையொட்டி நேற்று தேரோட்டம் நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர்.
3. தியாகராஜர் கோவிலில் சுந்தரர்- பரவைநாச்சியார் திருக்கல்யாணம் திரளான பக்தர்கள் சாமி தரிசனம்
திருவாரூர் தியாகராஜர் கோவிலில் சுந்தரர்- பரவைநாச்சியார் திருக்கல்யாணம் நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர்.
4. மாணவர்கள் மத்தியில் விளையாட்டு ஆர்வத்தை ஊக்குவிக்க வேண்டும் இந்திய கிரிக்கெட் அணி முன்னாள் வீரர் ஸ்ரீகாந்த் பேட்டி
மாணவர்கள் மத்தியில் விளையாட்டு ஆர்வத்தை ஊக்குவிக்க வேண்டும் என இந்திய கிரிக்கெட் அணி முன்னாள் வீரர் ஸ்ரீகாந்த் கூறினார்.
5. கனவில் வந்த சாமி; அசைவ உணவை கைவிட்ட 2 கிராம மக்கள்
கனவில் வந்து சாமி கூறியதற்காக 2 கிராம மக்கள் அசைவ உணவை சாப்பிடாமல் கைவிட்டுள்ளனர்.