பட்ஜெட் குறித்து சமுதாய தலைவர்களிடம் நாராயணசாமி கருத்து கேட்டார்

புதுச்சேரி,

புதுவை பட்ஜெட் கூட்டம் விரைவில் நடைபெற உள்ளது. இந்தநிலையில் பட்ஜெட் தயாரிப்பது தொடர்பாக அரசுத்துறை அதிகாரிகள், வர்த்தகர்கள் என பல்வேறு தரப்பினரின் கருத்தையும் முதல்-அமைச்சர் நாராயணசாமி கேட்டறிந்து வருகிறார்.

இந்தநிலையில் நேற்று அவர் தலைமை செயலக கருத்தரங்க அறையில் மிகவும் பிற்படுத்தப்பட்டோர், இதர பிற்படுத்தப்பட்டோர், தாழ்த்தப்பட்ட சமுதாய நிர்வாகிகளிடம் கருத்துகேட்டார்.

கூட்டத்துக்கு முதல்-அமைச்சர் நாராயணசாமி தலைமை தாங்கினார். கூட்டத்தில் அமைச்சர் கந்தசாமி, தீப்பாய்ந்தான் எம்.எல்.ஏ., தலைமை செயலாளர் அஸ்வனிகுமார் மற்றும் பல்வேறு அரசுத்துறை இயக்குனர்கள் கலந்துகொண்டனர்.

கூட்டத்தில் கலந்துகொண்ட பல்வேறு சமுதாய தலைவர்கள் பட்ஜெட்டில் அறிவிக்கப்பட வேண்டிய திட்டங்கள் குறித்து அப்போது தெரிவித்தனர்.