மாவட்ட செய்திகள்

எதிர்க்கட்சி தலைவர்களுக்கு எதிராக பயன்படுத்தப்படும் விசாரணை அமைப்புகள்; மத்திய அரசு மீது குமாரசாமி குற்றச்சாட்டு + "||" + Investigative systems used against opposition leaders; Kumaraswamy Indictment on Central Government

எதிர்க்கட்சி தலைவர்களுக்கு எதிராக பயன்படுத்தப்படும் விசாரணை அமைப்புகள்; மத்திய அரசு மீது குமாரசாமி குற்றச்சாட்டு

எதிர்க்கட்சி தலைவர்களுக்கு எதிராக பயன்படுத்தப்படும் விசாரணை அமைப்புகள்; மத்திய அரசு மீது குமாரசாமி குற்றச்சாட்டு
எதிர்க்கட்சி தலைவர்களுக்கு எதிராக விசாரணை அமைப்புகள் பயன்படுத்தப்படுகின்றன என்று மத்திய அரசு மீது குற்றம்சாட்டிய குமாரசாமி குதிரை பேரம் குறித்து வருமானவரி சோதனை நடத்தாதது ஏன் என்று கேள்வி எழுப்பியுள்ளார்.
பெங்களூரு, 

முன்னாள் மந்திரி டி.கே.சிவக்குமார் கைது செய்யப்பட்டிருப்பது குறித்து முன்னாள் முதல்-மந்திரி குமாரசாமி பெங்களூருவில் நேற்று நிருபர்களுக்கு பேட்டி அளிக்கையில் கூறியதாவது:-

பா.ஜனதாவுக்கு எதிராக செயல்படும் எதிர்க்கட்சிகளின் தலைவர்களை மத்திய அரசு தொல்லை கொடுக்கிறது. மத்திய ஊழல் கண்காணிப்பு தலைவராக இருந்த விட்டல் என்பவர் ஒரு புத்தகம் எழுதியுள்ளார். அதில் மத்திய அரசுக்கு எதிராக செயல்படுபவர்களுக்கு விசாரணை அமைப்புகள் மூலம் தொல்லை கொடுக்கப்படுவதாக கூறியிருக்கிறார்.

எதிர்க்கட்சி தலைவர்களுக்கு எதிராக மத்திய அரசு விசாரணை அமைப்புகளை பயன்படுத்துகிறது. 2008-ம் ஆண்டு எடியூரப்பா முதல்-மந்திரியாக பதவி ஏற்று ஆட்சி நடத்தினார். அப்போது அவர் தனது ஆட்சியை காப்பாற்ற யார்-யாருக்கு எவ்வளவு பணம் கொடுத்தார்?. எம்.எல்.ஏ.க்களை விலைக்கு வாங்கினார். எங்கள் கட்சி எம்.எல்.ஏ. ஒருவரை விலைக்கு வாங்க எடியூரப்பா குதிரை பேரம் நடத்தினார்.

அது தொடர்பான ஆடியோ உரையாடலை நான் வெளியிட்டேன். இந்த விஷயத்தில் வருமான வரித்துறை சோதனை நடத்தாதது ஏன்?. அமலாக்கத்துறையினர் எங்கே போனார்கள்?. எதிர்க்கட்சி தலைவர்களுக்கு எதிராக விசாரணை அமைப்புகள் பயன்படுத்தப்படுகின்றன. ஏதாவது தவறு நடந்திருந்தால், அதற்குரிய அபராதத்தை செலுத்த உத்தரவிட வேண்டும். அதைவிடுத்து கைது செய்ய வேண்டிய அவசியம் இல்லை.

17 எம்.எல்.ஏ.க்களை பா.ஜனதாவினர் விலைக்கு வாங்கினர். அந்த ஊழல் பணம் எங்கிருந்து வந்தது?. டி.கே.சிவக்குமார் கைது குறித்து தனக்கு எதுவும் தெரியாது என்று முதல்-மந்திரி எடியூரப்பா கூறியிருக்கிறார். அவர் ஒன்றுமே தெரியாதது போல் பேசுகிறார். அவரை கைது செய்ய சொல்லி அதிகாரிகளுக்கு தொலைபேசி மூலம் உத்தரவிட்டது யார்?.

கர்நாடகத்தில் மழை வெள்ளத்தால் பாதிக்கப்பட்ட மக்கள் நிவாரண உதவிகள் கிடைக்காமல் தவிக்கிறார்கள். ஆனால் எடியூரப்பா மும்பைக்கு சென்று, விலைக்கு வாங்கிய 17 எம்.எல்.ஏ.க்களுக்கு பாதுகாப்பு கொடுத்ததற்கு நன்றி தெரிவித்துவிட்டு வந்துள்ளார். மகதாயி பிரச்சினை குறித்து பேச அவர் மும்பைக்கு செல்லவில்லை. தொலைபேசி ஒட்டுகேட்பு விவகாரத்தில் சி.பி.ஐ. விசாரணையை கண்டு எனக்கு எந்த பயமும் இல்லை. நான் பரிசுத்தமானவன். எத்தகையை விசாரணையையும் எதிர்கொள்ள தயாராக இருக்கிறேன்.

தனியார் நகைக்கடை பொதுமக்களின் நிதியை மோசடி செய்தது தொடர்பாக வெளிநாட்டில் தங்கியிருந்த அதன் உரிமையாளரை கர்நாடக சிறப்பு விசாரணை குழு அதிகாரிகள் இந்தியாவுக்கு வரவழைத்தனர். ஆனால் மத்திய அரசின் விசாரணை அமைப்பு அதிகாரிகள் அவரை கைது செய்து அழைத்து சென்றனர்.

கூட்டணி ஆட்சி காலத்தில் நான் எந்த தவறும் செய்யவில்லை. ஏதாவது தவறுகள் நடந்திருந்தால் அதற்குரிய ஆதாரங்களை வெளியிட வேண்டும். தற்போது இந்த அரசு, அதிகாரிகளை பணி இடமாற்றம் செய்யும் பணியில் தீவிரமாக ஈடுபட்டுள்ளது. இதில் கோடிக்கணக்கான ரூபாய் பேரம் நடக்கிறது.

இவ்வாறு குமாரசாமி கூறினார். 

தொடர்புடைய செய்திகள்

1. சி.பி.ஐ. விசாரணையை கண்டு பயப்படவில்லை; முன்னாள் முதல்-மந்திரி குமாரசாமி பேட்டி
தொலைபேசி ஒட்டுகேட்பு விவகாரத்தில் சி.பி.ஐ. விசாரணையை கண்டு பயப்படவில்லை என்று குமாரசாமி கூறினார்.
2. கர்நாடகத்தில் புதிய அரசியல் நாடகங்கள் அரங்கேறும்; குமாரசாமி கணிப்பு
சட்டசபை இடைத்தேர்தல் முடிவு வெளியான பிறகு கர்நாடகத்தில் புதிய அரசியல் நாடகம் அரங்கேறும் என்று குமாரசாமி கூறினார்.
3. 15 தொகுதிகளுக்கு இடைத்தேர்தல்: ஜனதாதளம்(எஸ்) வேட்பாளர் பட்டியல் 2 நாளில் வெளியீடு
15 தொகுதிகளுக்கு நடைபெறும் இடைத்தேர்தலில் போட்டியிடும் ஜனதாதளம்(எஸ்) வேட்பாளர் பட்டியல் 2 நாளில் வெளியிடப்படும் என்று குமாரசாமி கூறினார்.
4. எதிர்க்கட்சி தலைவர்களை ஒழிக்க மத்திய அரசு முயற்சி; குமாரசாமி பரபரப்பு குற்றச்சாட்டு
எதிர்க்கட்சி தலைவர்களை ஒழிக்க மத்திய அரசு முயற்சி செய்வதாக முன்னாள் முதல்-மந்திரி குமாரசாமி பரபரப்பு குற்றச்சாட்டை கூறியுள்ளார்.
5. நில முறைகேடு வழக்கு: முன்னாள் முதல்-மந்திரி குமாரசாமிக்கு நோட்டீசு
கர்நாடகத்தில் குமாரசாமி கடந்த 2007-ம் ஆண்டு முதல்-மந்திரியாக இருந்தபோது, அரசு நிலத்தை அரசாணையில் இருந்து விடுவித்து முறைகேடு செய்ததாக அவர் மீது லோக்அயுக்தா கோர்ட்டில் வழக்கு தாக்கல் செய்யப்பட்டது.

ஆசிரியரின் தேர்வுகள்...