மாவட்ட செய்திகள்

கோவையில், 2 ஆயிரம் பெண்களுக்கு திருமண நிதியுதவி-தாலிக்கு தங்கம் - அமைச்சர் எஸ்.பி.வேலுமணி வழங்கினார் + "||" + In Coimbatore, 2 Thousand Women Marriage Fund - Gold for Dali

கோவையில், 2 ஆயிரம் பெண்களுக்கு திருமண நிதியுதவி-தாலிக்கு தங்கம் - அமைச்சர் எஸ்.பி.வேலுமணி வழங்கினார்

கோவையில், 2 ஆயிரம் பெண்களுக்கு திருமண நிதியுதவி-தாலிக்கு தங்கம் - அமைச்சர் எஸ்.பி.வேலுமணி வழங்கினார்
கோவையில் 2 ஆயிரம் பெண்களுக்கு திருமண நிதியுதவி மற்றும் தாலிக்கு தங்கத்தை அமைச்சர் எஸ்.பி.வேலுமணி வழங்கினார்.
கோவை,

கோவை மாவட்ட சமூகநலத்துறை சார்பில் 2 ஆயிரம் பெண்களுக்கு திருமண நிதி உதவி மற்றும் தாலிக்கு தங்கம் வழங்கும் விழா கோவையில் நடைபெற்றது. விழாவில் அமைச்சர் எஸ்.பி.வேலுமணி கலந்துகொண்டு படித்த ஏழை பெண்களின் திருமணத்திற்கு ரூ.14.11 கோடி மதிப்பில் திருமண நிதியுதவி தொகையுடன் தாலிக்கு தங்கம் வழங்கி பேசினார். அப்போது அவர் கூறியதாவது:-

தமிழகத்தில் மறைந்த முன்னாள் முதல்-அமைச்சர் ஜெயலலிதா வழியில் பெண்களின் வாழ்க்கையில் மறுமலர்ச்சியை ஏற்படுத்தும் வகையில் முதல்-அமைச்சர் எடப்பாடி பழனிசாமி தலைமையில் பொற்கால ஆட்சி நடைபெற்று வருகிறது.

ஏழை குடும்பங்களுக்கு விலையில்லா மிக்சி, மின்விசிறி, கிரைண்டர், விலையில்லா வெள்ளாடுகள், கறவை மாடுகள் வழங்கும் திட்டம், முத்துலட்சுமி மகப்பேறு நிதியுதவி வழங்கும் திட்டம், மூவலூர் ராமாமிர்தம் அம்மையர் திருமண நிதியுதவி திட்டம், உழைக்கும் மகளிர்களுக்கு மானிய விலையில் அம்மா இருசக்கர வாகனங்கள் வழங்கும் திட்டம் போன்ற திட்டங்களால் தமிழகத்தில் படிக்கும் பெண்களின் சதவீதம் கணிசமாக உயர்ந்துள்ளது.

மேலும் வருவாய் ஈட்டும் பெண்களின் எண்ணிக்கையும் அதிகரித்து உள்ளது. சமூக நலத்துறையின் மூலம் ஏழை-எளிய பெண்களுக்கு மூவலூர் ராமாமிர்தம் அம்மையார், ஈ.வெ.ரா. மணியம்மையார் விதவைகள் திருமண நிதியுதவி திட்டம், டாக்டர் தர்மாம்பாள் நினைவு விதவை மறுமண நிதியுதவி திட்டம் ஆகிய திட்டங்களின் கீழ் திருமணத்திற்கு 8 கிராம் தங்கத்துடன் நிதியுதவி தொகை வழங்கப்பட்டு வருகிறது.

திருமண நிதியுதவி திட்டத்தின் மூலம் கடந்த 7 ஆண்டுகளில் 36,894 பயனாளிகளுக்கு ரூ.164.8 கோடி மதிப்பிலான திருமணநிதி உதவி வழங்கப்பட்டு உள்ளது. சமூக நலத்துறையின் கீழ் செயல்படுத்தப்படும் பெண்களுக்கான சிறப்புத் திட்டங்களில் பயன்பெற உரிய சான்றுகளுடன் விண்ணப்பித்து பயன் பெறுமாறு கேட்டுக் கொள்கிறேன்.

மேலும் கோவை மாவட்டத்தில் மூன்றாம் பாலினத்தவரையும், நமது சமுதாயத்தின் அங்கமாக அங்கீகரித்து, அவர்கள் வாழ்வில் வளம் பெற கடந்த 2 ஆண்டுகளில் 65 திருநங்கைகளுக்கு தொழிற்பயிற்சி மற்றும் சுயதொழில் தொடங்க ரூ.9 லட்சம் வழங்கப்பட்டு உள்ளது. இவ்வாறு அவர் பேசினார்.

இதில் துணை சபாநாயகர் பொள்ளாச்சி ஜெயராமன், கலெக்டர் ராஜாமணி, ஏ.கே.செல்வராஜ் எம்.பி., எம்.எல்.ஏ.க்கள் பி.ஆர்.ஜி.அருண்குமார், ஓ.கே.சின்னராஜ், வி.சி.ஆறுக்குட்டி, எட்டிமடை சண்முகம், வி.பி.கந்தசாமி, கஸ்தூரி வாசு மற்றும் மாவட்ட வருவாய் அலுவலர் ராமதுரைமுருகன், வருவாய் கோட்டாட்சியர் (தெற்கு) தனலிங்கம், மாவட்ட சமூக நல அலுவலர் தங்கமணி, வால்பாறை அமீது உள்பட பலர் கலந்து கொண்டனர்.

தொடர்புடைய செய்திகள்

1. கோவை மாவட்டத்தில் இந்த ஆண்டு ரூ.7¼ கோடியில் குடிமராமத்து பணிகள் மேற்கொள்ளப்படும் அமைச்சர் எஸ்.பி.வேலுமணி தகவல்
கோவை மாவட்டத்தில் இந்த ஆண்டில் ரூ.7¼ கோடியில் குடிமராமத்து பணிகள் மேற்கொள்ளப்படும் என்று அமைச்சர் எஸ்.பி.வேலுமணி கூறினார்.
2. கோவை அருகே, இலங்கை தமிழர் குடும்பங்களுக்கு நிவாரண பொருட்கள் - அமைச்சர் எஸ்.பி.வேலுமணி வழங்கினார்
கோவை அருகே உள்ள அகதிகள் முகாமில் இலங்கை தமிழர் குடும்பங்களுக்கு கொரோனா நிவாரண பொருட்களை அமைச்சர் எஸ்.பி.வேலுமணி வழங்கினார்.
3. கோவை மாநகராட்சியில் பணியாற்றும் 1000 பேருக்கு முழு உடல் பாதுகாப்பு கவச உடைகள் - அமைச்சர் எஸ்.பி.வேலுமணி வழங்கினார்
கோவை மாநகராட்சியில் பணியாற்றும் ஊழியர்கள் 1000 பேருக்கு முழு உடல் பாதுகாப்பு கவச உடைகளை அமைச்சர் எஸ்.பி.வேலுமணி வழங்கினார்.
4. ஊரடங்கு காலத்தில் ஊரக வேலைவாய்ப்பு திட்ட பணியாளர்களுக்கு ரொக்கமாக ஊதியம் வழங்க வேண்டும் - மத்திய மந்திரியிடம் காணொலி காட்சி மூலம் அமைச்சர் எஸ்.பி.வேலுமணி கோரிக்கை
ஊரடங்கு காலத்தில் ஊரக வேலை வாய்ப்பு திட்ட பணியாளர்களுக்கு ரொக்கமாக ஊதியம் வழங்க வேண்டும் என்று மத்திய மந்திரியிடம் காணொலி காட்சி மூலம் அமைச்சர் எஸ்.பி.வேலுமணி கோரிக்கை விடுத்தார்.
5. கோவை அரசு ஆஸ்பத்திரியில் நோயாளிகளின் உறவினர்கள் தங்க ரூ.1 கோடியில் புதிய கட்டிடம் - அமைச்சர் எஸ்.பி.வேலுமணி திறந்து வைத்தார்
கோவை அரசு ஆஸ்பத்திரியில் நோயாளிகளின் உறவினர்கள் தங்க வசதியாக ரூ.1 கோடியில் கட்டப்பட்ட புதிய கட்டிடத்தை அமைச்சர் எஸ்.பி.வேலுமணி திறந்து வைத்தார்.

அதிகம் வாசிக்கப்பட்டவை