மாவட்ட செய்திகள்

சிக்கல் சிங்காரவேலர் கோவிலில் திருக்கல்யாணம் திரளான பக்தர்கள் பங்கேற்பு + "||" + Large number of devotees participating in the temple

சிக்கல் சிங்காரவேலர் கோவிலில் திருக்கல்யாணம் திரளான பக்தர்கள் பங்கேற்பு

சிக்கல் சிங்காரவேலர் கோவிலில் திருக்கல்யாணம் திரளான பக்தர்கள் பங்கேற்பு
சிக்கல் சிங்காரவேலர் கோவிலில் நேற்று திருக்கல்யாணம் நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர்.
சிக்கல்,

நாகை மாவட்டம் சிக்கலில் சிங்காரவேலர் கோவில் உள்ளது. பல்வேறு சிறப்பு பெற்ற இந்த கோவிலில் கந்த சஷ்டி விழா நடைபெறுவது வழக்கம். அதன்படி இந்த ஆண்டுக்கான விழா கடந்த 28-ந்தேதி தொடங்கியது. விழா நாட்களில் தினமும் பல்வேறு வாகனங்களில் சிங்காரவேலர் வீதி உலா நடைபெற்றது. விழாவின் முக்கிய நிகழ்ச்சியான சூரசம்ஹாரம் நேற்று முன்தினம் இரவு நடந்தது. அப்போது சிங்காரவேலர் ஆட்டுக்கிடா வாகனத்தில் வீதி உலா வந்து சூரனை வதம் செய்தார்.


நேற்று சிங்காரவேலர், வள்ளி-தெய்வானையுடன் தங்க மயில் வாகனத்தில் வீதி உலா வரும் நிகழ்ச்சி நடந்தது. இதையடுத்து இரவு முருகன்- வள்ளி-தெய்வானை திருக்கல்யாணம் நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர். நாளை(செவ்வாய்க்கிழமை) காலை மகா அபிஷேகமும், மாலை சயன திருக்காட்சியும் நடைபெறுகிறது. இதையடுத்து விடையாற்றி நிகழ்ச்சியுடன் கந்தசஷ்டி விழா நிறைவு பெறுகிறது.

வள்ளலார் கோவில்

மயிலாடுதுறை வள்ளலார் கோவிலில் நேற்று முன்தினம் சூரசம்ஹாரம் நடைபெற்றது. இதையொட்டி வதாண்யேஸ்வரர், ஞானாம்பிகை, தெட்சிணாமூர்த்தி மற்றும் சுப்பிரமணியருக்கு சிறப்பு அபிஷேக ஆராதனைகள் நடந்தன.

இதில் தருமபுரம் ஆதீன இளைய சன்னிதானம் மாசிலாமணி தேசிக ஞானசம்பந்த சுவாமிகள் மற்றும் திரளான பக்தர்கள் கலந்து கொண்டு சாமி தரிசனம் செய்தனர்.


தொடர்புடைய செய்திகள்

1. சுசீந்திரம் தாணுமாலயசாமி கோவிலில் மார்கழி திருவிழா கொடியேற்றத்துடன் தொடங்கியது
சுசீந்திரம் தாணுமாலயசாமி கோவிலில் மார்கழி திருவிழா நேற்று கொடியேற்றத்துடன் தொடங்கியது.
2. ஆங்கில புத்தாண்டு பிறப்பு: சுவாமிமலை சுவாமிநாதசுவாமி கோவிலில் படி பூஜை
ஆங்கில புத்தாண்டு பிறப்பையொட்டி சுவாமிமலை சுவாமிநாதசுவாமி கோவிலில் படி பூஜை நடந்தது.
3. சாந்தநாதசுவாமி கோவிலில் பஞ்சமூர்த்தி வீதி உலா திரளான பக்தர்கள் கலந்து கொண்டனர்
புதுக்கோட்டையில் உள்ள சாந்தநாதசுவாமி கோவிலில் நேற்று பஞ்ச மூர்த்தி வீதிஉலா நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர்.
4. கார்த்திகை கடை ஞாயிறு திருவிழாவையொட்டி வாஞ்சிநாதர் கோவிலில் தீர்த்தவாரி
ஸ்ரீவாஞ்சியம் வாஞ்சிநாதர் கோவிலில் கார்த்திகை கடை ஞாயிறு திருவிழாவையொட்டி தீர்த்தவாரி நேற்று நடந்தது. இதில் திரளான பக்தர்கள் கலந்துகொண்டு புனித நீராடினர்.
5. அய்யர்மலை ரெத்தினகிரீஸ்வரர் கோவிலில் 4-வது சோமவாரவிழா பக்தர் ஒருவர் படியில் உருண்டு ஏறி நேர்த்திக்கடன்
அய்யர்மலை ரெத்தினகிரீஸ்வரர் கோவிலில் சோமவாரவிழா நடைபெற்றது. இதில் பக்தர் ஒருவர் படிகளில் உருண்டு ஏறி நேர்த்திக் கடன் செலுத்தினார்.