மாவட்ட செய்திகள்

திருமலைராஜன் ஆற்றில் வெள்ளப்பெருக்கு: வீடுகளில் மழைநீர் புகுந்தது + "||" + Flooding in Tirumalairajan River: Rainwater flooded homes

திருமலைராஜன் ஆற்றில் வெள்ளப்பெருக்கு: வீடுகளில் மழைநீர் புகுந்தது

திருமலைராஜன் ஆற்றில் வெள்ளப்பெருக்கு: வீடுகளில் மழைநீர் புகுந்தது
திருமலைராஜன் ஆற்றில் ஏற்பட்ட வெள்ளப்பெருக்கால் வீடுகளில் மழைநீர் புகுந்தது.
திருமருகல்,

திருமருகல் பகுதியில் கடந்த 5 நாட்களாக கனமழை பெய்தது. இதனால் தாழ்வான பகுதிகளில் மழைநீர் குளம்போல் தேங்கியது. குக்கிராமங்களில் உள்ள சாலைகளில் தண்ணீர் பெருக்கெடுத்து ஓடியது. இதையடுத்து ஊரக வளர்ச்சித்துறையினர், வருவாய்துறையினர், பொதுப்பணித்துறையினர், நெடுஞ்சாலைத்துறையினர் ஆங்காங்கே குளம்போல் தேங்கி நிற்கும் மழைநீரை அகற்றும் பணியில் ஈடுபட்டு வருகின்றனர். மழைநீர் சூழ்ந்துள்ள பகுதிகளில் உள்ள மக்களை பாதுகாப்பான இடங்களில் தங்க வைப்பதற்கான ஏற்பாடுகளை அதிகாரிகள் செய்து வருகின்றனர்.


வீடுகளில் மழைநீர் புகுந்தது

இந்தநிலையில் திருமலைராஜன் ஆற்றின் குறுக்கே உள்ள பாலத்தின் அருகே போலகம் மெயின்சாலையில் 20 வீடுகள் அமைந்துள்ளன. திருமலைராஜன் ஆற்றில் ஏற்பட்ட வெள்ளப்பெருக்கால் அங்குள்ள வீடுகளில் தண்ணீர் புகுந்தது. மேலும் வீடுகளை மழைநீர் சூழ்ந்து குளம் போல் தேங்கி நிற்கிறது. இதனால் வீடுகளில் இருந்து மக்கள் வெளியே வரமுடியாமல் உள்ளே முடங்கி உள்ளனர். இப்பகுதியில் உள்ள கோவிந்தன் என்பவர் கூரை வீட்டின் சுவர் இடிந்து விழுந்தது. இதில் யாருக்கும் எந்தபாதிப்பும் ஏற்படவில்லை. தகவல் அறிந்ததும் போலகம் ஊராட்சி செயலர் நடராஜன், கிராம நிர்வாக அலுவலர் வெங்கட்ராமன் ஆகியோர் அப்பகுதியில் தேங்கிய மழைநீர் வடியவும், தண்ணீர் சூழ்ந்து பாதிக்கப்பட்ட மக்களை பாதுகாப்பதற்கான நடவடிக்கைகளையும் மேற்கொண்டு வருகின்றனர்.


தொடர்புடைய செய்திகள்

1. தஞ்சை ஆற்றில் அடித்துச்செல்லப்பட்ட வாலிபர் கதி என்ன? 2-வது நாளாக தேடும் பணி
தஞ்சையில் ஆற்றில் அடித்துச்செல்லப்பட்ட வாலிபரை தேடும் பணி நேற்று 2-வது நாளாக நடந்தது.
2. மேற்கு தொடர்ச்சி மலையில் பலத்த மழை: பஞ்சலிங்க அருவியில் வெள்ளப்பெருக்கு
உடுமலை அருகே மேற்கு தொடர்ச்சி மலையில் பெய்த பலத்த மழையால் பஞ்சலிங்க அருவியில் வெள்ளப்பெருக்கு ஏற்பட்டு்ள்ளது. அமணலிங்கேஸ்வரர் கோவிலையும் தண்ணீர் சூழ்ந்தது.
3. 10 ஆண்டுகளுக்கு பிறகு, காயல்குடி ஆற்றில் வெள்ளப்பெருக்கு
வெம்பக்கோட்டை பகுதியாக செல்லும் காயல்குடி ஆற்றில் 10 ஆண்டுகளுக்கு பிறகு வெள்ளப்பெருக்கு ஏற்பட்டுள்ளது. இந்த பகுதியில் விவசாய பணிகள் சூடு பிடித்துள்ளன.
4. அரும்பாவூர் பச்சமலையில் கொட்டித்தீர்த்த கனமழையால் கல்லாற்றில் வெள்ளப்பெருக்கு
அரும்பாவூர் பச்சமலையில் கொட்டித்தீர்த்த கனமழையால் கல்லாற்றில் வெள்ளப்பெருக்கு ஏற்பட்டு அரசு மருத்துவமனை மற்றும் 20-க்கும் மேற்பட்ட வீடுகளில் தண்ணீர் புகுந்தது.
5. மேற்கு தொடர்ச்சி மலைப்பகுதியில் பலத்த மழை, நொய்யல் ஆற்றில் திடீர் வெள்ளப்பெருக்கு
மேற்கு தொடர்ச்சி மலைப்பகுதியில் பலத்த மழை பெய்ததால் நொய்யல் ஆற்றில் திடீர் வெள்ளப்பெருக்கு ஏற்பட்டது. மேலும் பெள்ளாதிகுளம் நிரம்பியதால் விவசாயிகள் மகிழ்ச்சி அடைந்து உள்ளனர்.