மாவட்ட செய்திகள்

வேலூரில் பரபரப்பு: டி.ஐ.ஜி. அலுவலகத்தில் 2 சந்தன மரங்கள் வெட்டி கடத்தல் மர்மநபர்களுக்கு வலைவீச்சு + "||" + Excitement in Vellore: DIG 2 sandalwood trees cut down in the office

வேலூரில் பரபரப்பு: டி.ஐ.ஜி. அலுவலகத்தில் 2 சந்தன மரங்கள் வெட்டி கடத்தல் மர்மநபர்களுக்கு வலைவீச்சு

வேலூரில் பரபரப்பு: டி.ஐ.ஜி. அலுவலகத்தில் 2 சந்தன மரங்கள் வெட்டி கடத்தல் மர்மநபர்களுக்கு வலைவீச்சு
வேலூர் சரக டி.ஐ.ஜி. அலுவலகத்தில் 2 சந்தனமரங்களை மர்மநபர்கள் வெட்டி கடத்திச் சென்றனர்.
வேலூர், 

வேலூர் அண்ணாசாலையில் வேலூர் சரக டி.ஐ.ஜி. அலுவலகம் உள்ளது. இந்த அலுவலக வளாகத்தில் துணை போலீஸ் சூப்பிரண்டு அலுவலகம், கட்டுப்பாட்டு அறை ஆகியவையும் செயல்படுகிறது. இப்பகுதியில் எந்தநேரமும் போலீசார் நடமாட்டம் இருந்து கொண்டே இருக்கும். வளாகத்தில் ஆங்காங்கே சந்தனமரங்கள் வளர்ந்து காணப்படுகிறது.

இந்த நிலையில் நேற்று அதிகாலையில் அலுவலக வளாகத்துக்குள் புகுந்த மர்மநபர்கள் அங்கிருந்த 2 சந்தன மரங்களை வெட்டி கடத்திச் சென்றனர். மரங்களின் முக்கிய பாகங்களை எடுத்துச் சென்ற அவர்கள் சிறிய மரக்கட்டைகளை அங்கேயே போட்டுவிட்டுச் சென்றனர். இந்த நிலையில் காலையில் இதைப்பார்த்த போலீசார் அதிர்ச்சி அடைந்தனர். இதுகுறித்து உயர் அதிகாரிகளுக்கு தகவல் தெரிவிக்கப்பட்டது. அவர்கள் சம்பவ இடத்துக்கு வந்து பார்வையிட்டனர். மேலும் இதுகுறித்து வனத்துறையிடம் புகார் செய்யப்பட்டது. வனத்துறை அதிகாரிகளும் பார்வையிட்டு விசாரணை நடத்தி வருகின்றனர்.

கண்காணிப்பு கேமரா

இந்த சம்பவம் குறித்து போலீசார் கூறியதாவது:-

நேதாஜி மைதானத்தில் போலீசாருக்கு கவாத்து பயிற்சி இன்று (நேற்று) காலை நடந்தது. இதில் கலந்து கொள்ள போலீசார் சென்று விட்டனர். இதைநோட்டமிட்ட மர்மநபர்கள் அருகில் உள்ள கல்லறை தோட்டம் வழியாக உள்ளே நுழைந்துள்ளனர். அப்போது சுற்றுச்சுவரை ஒட்டி இருந்த மரத்தையும், பின்புறம் இருந்த மற்றொரு மரத்தையும் வெட்டிச் கடத்திச் சென்றுள்ளனர். அவர்களை கண்டறிய தனிப்படை ஒன்று அமைக்கப்பட்டு வருகிறது. இப்பகுதியில் உள்ள கண்காணிப்பு கேமராவில் பதிவாகி இருந்த காட்சிகளை வைத்து விசாரணை நடத்தப்பட்டு வருகிறது.

இவ்வாறு அவர்கள் கூறினார்.

வலைவீச்சு

வனத்துறை அதிகாரிகள் கூறுகையில், மரத்தை வெட்டிச் சென்ற மர்மநபர்களை தேடி வருகிறோம். சட்ட நடைமுறைகளுக்காக மரத்தின் அடிப்பாகத்தை பொக்லைன் எந்திரம் கொண்டு வந்து தோண்டி எடுக்கப்பட்டுள்ளது என்றனர்.

சில ஆண்டுகளுக்கு முன்பு இதேபோல கலெக்டர் பங்களா, சுற்றுலா மாளிகை, டி.ஐ.ஜி. அலுவலகத்தில் மர்மநபர்கள் சந்தன மரங்களை வெட்டி கடத்திச் சென்றது குறிப்பிடத்தக்கது.

டி.ஐ.ஜி. அலுவலகத்தில் 2 சந்தன மரங்கள் வெட்டி கடத்தப்பட்ட சம்பவம் வேலூரில் பரபரப்பை ஏற்படுத்தி உள்ளது. 

தொடர்புடைய செய்திகள்

1. மருந்து கடையின் பூட்டை உடைத்து ரூ.1½ லட்சம்- மடிக்கணினி கொள்ளை மர்ம நபர்களுக்கு போலீசார் வலைவீச்சு
திருப்பனந்தாள் அருகே மருந்து கடையின் பூட்டை உடைத்து ரூ.1½ லட்சம் மற்றும் மடிக்கணினியை கொள்ளையடித்து சென்ற மர்ம நபர்களை போலீசார் வலைவீசி தேடி வருகிறார்கள்.
2. விவசாயியை அரிவாளால் வெட்டி பணம், செல்போன் பறிப்பு காரில் வந்த 2 மர்ம நபர்களுக்கு போலீசார் வலைவீச்சு
கல்லக்குடி அருகே விவசாயியை அரிவாளால் வெட்டி விட்டு, பணம் மற்றும் செல்போனை பறித்துச்சென்ற, காரில் வந்த 2 மர்ம நபர்களை போலீசார் வலைவீசி தேடி வருகிறார்கள்.
3. தானேயில் நவநிர்மாண் சேனா பிரமுகர் துப்பாக்கியால் சுட்டுக்கொலை 2 பேருக்கு போலீசார் வலைவீச்சு
தானேயில் நவநிர்மாண் சேனா கட்சி பிரமுகரை துப்பாக்கியால் சுட்டு கொலை செய்த 2 பேரை போலீசார் தேடி வருகின்றனர்.
4. உடன்குடியில் இரும்பு பட்டறைகளுக்கு தீ வைப்பு வாலிபருக்கு போலீஸ் வலைவீச்சு
உடன்குடியில் இரும்பு பட்டறைகளுக்கு தீ வைத்த வாலிபரை போலீசார் வலைவீசி தேடி வருகின்றனர்.
5. புதுவையில் பயங்கரம்: தொழிலாளி சரமாரியாக வெட்டிக்கொலை மர்ம நபர்களுக்கு வலைவீச்சு
புதுவை மேட்டுப்பாளையத்தில் நேற்று இரவு தொழிலாளியை வெட்டி கொலை செய்த மர்ம நபர்களை போலீசார் வலைவீசி தேடி வருகின்றனர்.