தேசிய செய்திகள்

பாஜகவின் மூத்த தலைவர் அத்வானிக்கு 92-வது பிறந்தநாள்: பிரதமர் நேரில் வாழ்த்து + "||" + On LK Advani’s birthday, PM Modi showers praise on veteran leader, says ‘he toiled for decades to give shape, strength to BJP’

பாஜகவின் மூத்த தலைவர் அத்வானிக்கு 92-வது பிறந்தநாள்: பிரதமர் நேரில் வாழ்த்து

பாஜகவின் மூத்த தலைவர் அத்வானிக்கு 92-வது பிறந்தநாள்: பிரதமர் நேரில் வாழ்த்து
பா.ஜனதா மூத்த தலைவர் அத்வானி 92-வது பிறந்தநாள் கொண்டாடினார். அவருக்கு பிரதமர் மோடி நேரில் வாழ்த்து தெரிவித்தார்.
புதுடெல்லி,

பா.ஜனதா மூத்த தலைவரும், முன்னாள் துணை பிரதமருமான அத்வானிக்கு நேற்று 92-வது பிறந்தநாள். அவர் 1927-ம் ஆண்டு நவம்பர் 8-ந் தேதி, தற்போது பாகிஸ்தானில் உள்ள கராச்சியில் பிறந்தவர்.

அத்வானி நேற்று டெல்லியில் உள்ள இல்லத்தில் தனது பிறந்தநாளை எளிமையாக கொண்டாடினார்.


அத்வானி இல்லத்துக்கு பிரதமர் மோடி நேரில் சென்றார். பூங்கொத்து கொடுத்து அத்வானிக்கு பிறந்தநாள் வாழ்த்து தெரிவித்தார்.

துணை ஜனாதிபதி வெங்கையா நாயுடுவும் அத்வானிக்கு நேரில் வாழ்த்து தெரிவித்தார். பா.ஜனதா தலைவரும், மத்திய உள்துறை மந்திரியுமான அமித் ஷா, பா.ஜனதா செயல் தலைவர் ஜே.பி.நட்டா ஆகியோரும் அத்வானி இல்லத்துக்கு சென்று வாழ்த்து தெரிவித்தனர்.

பின்னர், அத்வானிக்கு புகழாரம் சூட்டி, பிரதமர் மோடி தனது ‘டுவிட்டர்’ பக்கத்தில் வாழ்த்து தெரிவித்தார். அதில் அவர் கூறியிருப்பதாவது:-

அறிஞர், அரசியல் மேதை, பெரிதும் மதிக்கப்படும் தலைவர்களில் ஒருவர் என அத்வானி எப்போதும் மதிக்கப்படுவார். இந்திய அரசியலில் ஆளுமைமிக்க கட்சியாக பா.ஜனதா திகழ்கிறது என்றால், அதற்கு அத்வானி போன்ற தலைவர்களும், அவர் வளர்த்த செயல் வீரர்களும்தான் காரணம்.

அவர் பல ஆண்டுகளாக பாடுபட்டு பா.ஜனதாவுக்கு வடிவத்தையும், வலிமையையும் அளித்தார். அவர் எப்போதும் சித்தாந்தத்தில் சமரசம் செய்து கொண்டது இல்லை. ஜனநாயகத்தை பாதுகாக்க வேண்டிய தேவை எழுந்தபோது, அவர் முன்னணியில் நின்றார். மந்திரியாக இருந்தபோது, அவரது நிர்வாகத்திறன் பரவலாக பாராட்டப்பட்டது. இவ்வாறு அவர் கூறியுள்ளார்.


தொடர்புடைய செய்திகள்

1. ராமர் கோவில் பூமி பூஜை சடங்குகள் தொடங்கின-பிரதமர் மோடி நாளை அடிக்கல் நாட்டுகிறார்
அயோத்தியில் ராமர் கோவிலுக்கான பூமி பூஜை சடங்குகள் நேற்று காலையில் தொடங்கின. அங்கு கோவிலுக்கான அடிக்கல்லை நாளை (புதன்கிழமை) பிரதமர் மோடி நாட்டுகிறார்.
2. இளைஞர்கள் பணம் சம்பாதிக்க மட்டுமே திறமையை பயன்படுத்தக் கூடாது - பிரதமர் மோடி
இளைஞர்கள்பணம் சம்பாதிக்க மட்டுமே திறமையை பயன்படுத்தக் கூடாது என பிரதமர் மோடி கூறினார்.
3. ராஜஸ்தான் அரசியல் விவகாரம் : பாஜக நாளை ஆலோசனை
ராஜஸ்தானில் அரசியல் பரபரப்புக்கு மத்தியில் நாளை பாஜக ஆலோசனைக் கூட்டத்திற்கு அழைப்பு விடுத்துள்ளது.
4. இந்தியாவில், பொருளாதார மீட்சியில் பச்சை தளிர்களை நாம் காண்கிறோம் - பிரதமர் மோடி
இந்தியாவில், பொருளாதார மீட்சியில் பச்சை தளிர்களை நாம் காண்கிறோம் என்பதில் ஆச்சரியமில்லை என பிரதமர் மோடி கூறினார்.
5. ஓபிசி இட ஒதுக்கீடு விவகாரம்: பிரதமருக்கு முதல்வர் பழனிசாமி கடிதம்!
ஓபிசி பிரிவினருக்கு தமிழக அரசின் இடஒதுக்கீடு முறையை, மத்திய அரசு பணியிலும் பின்பற்ற வேண்டும் என முதலமைச்சர் எடப்பாடி பழனிசாமி பிரதமர் மோடிக்கு கடிதம் எழுதி உள்ளார்.