தேசிய செய்திகள்

உத்தரகாண்ட்டில் புதிய முதல்-மந்திரி, அமைச்சரவை பதவியேற்பு: பிரதமர் மோடி வாழ்த்து + "||" + New Chief Minister, Cabinet inauguration in Uttarakhand: Congratulations to Prime Minister Modi

உத்தரகாண்ட்டில் புதிய முதல்-மந்திரி, அமைச்சரவை பதவியேற்பு: பிரதமர் மோடி வாழ்த்து

உத்தரகாண்ட்டில் புதிய முதல்-மந்திரி, அமைச்சரவை பதவியேற்பு: பிரதமர் மோடி வாழ்த்து
உத்தரகாண்ட்டில் இன்று புதிதாக பதவியேற்றுக்கொண்ட முதல்-மந்திரி மற்றும் அமைச்சரவைக்கு பிரதமர் மோடி வாழ்த்து தெரிவித்துள்ளார்.
டேராடூன்,

உத்தரகாண்ட் மாநில முதல்-மந்திரியாக இருந்த தீரத்சிங் ராவத் பதவியேற்று ஆறு மாதத்தில் சட்டமன்ற உறுப்பினராக தேர்வாக முடியாத சூழல் ஏற்பட்டதால், அவர் தனது பதவியை ராஜினாமா செய்தார். இதையடுத்து, டேராடூனில் நேற்று நடந்த பா.ஜ.க. சட்டமன்ற உறுப்பினர்கள் கூட்டத்தில் பா.ஜ.க. சட்டமன்றக் கட்சித் தலைவராகவும், புதிய முதலமைச்சராகவும் புஷ்கர் சிங் தாமி ஒருமனதாக தேர்வு செய்யப்பட்டார்.

அதைத் தொடர்ந்து, உத்தரகாண்ட் மாநில கவர்னரைச் சந்தித்த புஷ்கர் சிங் தாமி சட்டமன்ற உறுப்பினர்களின் ஆதரவு கடிதத்தை அளித்து ஆட்சி அமைக்க உரிமை கோரினார். பின்னர், சட்டமன்ற உறுப்பினர்களின் கடிதத்தைப் பரிசீலித்த கவர்னர், பதவியேற்க வருமாறு புஷ்கர் சிங் தாமிக்கு அழைப்பு விடுத்தார்.

இந்த நிலையில், உத்தரகாண்ட் மாநிலத்தின் தலைநகர் டேராடூனில் உள்ள கவர்னர் மாளிகையில் இன்று நடைபெற்ற பதவியேற்பு விழாவில், புதிய முதல்-மந்திரியாக புஷ்கர் சிங் தாமி பதவியேற்றுக் கொண்டார். அவருக்கு உத்தரகாண்ட் மாநில கவர்னர் பேபி ராணி மௌரியா பதவிப் பிரமாணமும், ரகசியக் காப்பு பிரமாணமும் செய்து வைத்தார். முதல்-மந்திரியை தொடர்ந்து, புதிய அமைச்சரவையும் பதவியேற்றுக் கொண்டது. இந்த விழாவில் பா.ஜ.க. கட்சியின் மூத்த தலைவர்கள், சட்டமன்ற உறுப்பினர்கள், நாடாளுமன்ற உறுப்பினர்கள் உள்ளிட்டோர் கலந்துக் கொண்டனர்.

இந்நிலையில் உத்தரகாண்ட்டில் இன்று புதிதாக பதவியேற்றுக்கொண்ட முதல்-மந்திரி மற்றும் அமைச்சரவைக்கு பிரதமர் மோடி வாழ்த்து தெரிவித்துள்ளார்.

இதுதொடர்பாக அவர் தனது டுவிட்டரில், இன்று பதவியேற்ற புஷ்கர் சிங் தாமி மற்றும் அவரது அமைச்சரவையில் பங்கேற்றுள்ள அனைவருக்கும் வாழ்த்துக்கள். உத்தரகாண்ட் மாநிலத்தின் முன்னேற்றம் மற்றும் செழிப்பை நோக்கி அவர்கள் பணியாற்றுவதால் இந்த அணிக்கு வாழ்த்துக்கள்” என்று பதிவிட்டுள்ளார். 




தொடர்புடைய செய்திகள்

1. கர்நாடக மாநிலத்தின் புதிய முதல்-மந்திரியாக பசவராஜ் பொம்மை தேர்வு
கர்நாடக மாநிலத்தின் புதிய முதல்-மந்திரியாக பசவராஜ் பொம்மை தேர்வு செய்யப்பட்டுள்ளதாக அறிவிக்கப்பட்டுள்ளது.
2. உத்தரகாண்டில் 6-12 ஆம் வகுப்புகளுக்கு பள்ளிகள் திறக்க அனுமதி
உத்தரகாண்டில் வரும் ஆகஸ்ட் 1 ஆம் தேதி முதல் 6 முதல் 12 வகுப்புகளுக்கு பள்ளிகள் திறக்கப்படும் என்று மாநில அரசு அறிவித்துள்ளது.
3. உத்தரகாண்ட் மந்திரி காலில் தொங்கும் முககவசம் வைரலான புகைப்படம்
உத்தரகாண்ட் மந்திரியான சுவாமி யத்தீஸ்வர் ஆனந்த் முகத்துக்கு அணியும் முக கவசத்தை தனது காலில் மாட்டி இருந்தார்.
4. உத்தரகாண்ட்: போலி கொரோனா நெகட்டிவ் சான்றிதழுடன் பிடிபட்ட சுற்றுலா பயணிகள்
போலி கொரோனா நெகட்டிவ் சான்றிதலுடன் உத்தரகாண்ட்டில் சுற்றித்திரிந்த சுற்றுலா பயணிகளை போலீசார் பிடித்தனர்.
5. உத்தரகாண்டில் இந்த ஆண்டு கன்வர் யாத்திரை ரத்து - மாநில அரசு அறிவிப்பு
உத்தரகாண்ட் மாநிலத்தில் புகழ்பெற்ற கன்வர் யாத்திரை இந்த ஆண்டு ரத்து செய்யப்படுவதாக மாநில அரசு தடை விதித்துள்ளது.