கடந்த 5 ஆண்டுகளில் 813 புதிய ரெயில்கள் அறிமுகம்
கடந்த 5 ஆண்டுகளில் 813 புதிய ரெயில்கள் அறிமுகம் செய்யப்பட்டுள்ளன.
புதுடெல்லி,
கடந்த 2016-ம் ஆண்டில் இருந்து ரெயில்வே பட்ஜெட்டை தனியாக சமர்ப்பிக்காமல், மத்திய பட்ஜெட்டுடன் இணைத்தே தாக்கல் செய்ய தொடங்கினர்.
அந்த ஆண்டில் இருந்து கடந்த 5 ஆண்டுகளில் 813 புதிய ரெயில்கள் அறிமுகம் செய்யப்பட்டுள்ளன. மத்தியபிரதேசத்தை சேர்ந்த சந்திரசேகர் கவுர் என்பவர் தகவல் அறியும் உரிமை சட்டத்தின்கீழ் கேட்ட கேள்விக்கு ரெயில்வே வாரியம் இந்த தகவலை தெரிவித்துள்ளது.
அதில் மேலும் கூறப்பட்டு இருப்பதாவது:-
கொரோனா காரணமாக, 2020-2021 நிதியாண்டில் ஒரு புதிய ரெயில் கூட அறிமுகப்படுத்தப்படவில்லை. முன்பெல்லாம், பட்ஜெட்டில் புதிய ரெயில்கள் பற்றிய அறிவிப்பு, பெரும் எதிர்பார்ப்புடன் கவனிக்கப்படும். ஆனால், இப்போது தேவை ஏற்படும்போது மட்டுமே புதிய ரெயில்கள் அறிவிக்கப்படுகின்றன.
இவ்வாறு அதில் கூறப்பட்டுள்ளது.
Related Tags :
Next Story
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2023, © Daily Thanthi Powered by Hocalwire
