தேசிய செய்திகள்

பெங்களூருவில் கடந்த 10 மாதங்களில் 3 ஆயிரம் கிலோ போதைப்பொருட்கள் பறிமுதல் + "||" + 3000 kg of drugs seized in Bengaluru in last 10 months

பெங்களூருவில் கடந்த 10 மாதங்களில் 3 ஆயிரம் கிலோ போதைப்பொருட்கள் பறிமுதல்

பெங்களூருவில் கடந்த 10 மாதங்களில் 3 ஆயிரம் கிலோ போதைப்பொருட்கள் பறிமுதல்
கடந்த 10 மாதங்களில் பெங்களூருவில் ரூ.45 கோடி மதிப்பிலான போதைப்பொருட்கள் பறிமுதல் செய்யப்பட்டு இருப்பதாக தெரிவிக்கப்பட்டுள்ளது.
பெங்களூரு,

கர்நாடகத்தில் குறிப்பாக பெங்களூருவில் போதைப்பொருட்கள் விற்பனையை தடுக்க போலீசார் தீவிரம் காட்டி வருகின்றனர். ஆனாலும் ஆண்டுதோறும் போதைப்பொருட்கள் விற்பனை அதிகரித்து கொண்டு தான் செல்கிறது.

இந்த நிலையில் கடந்த ஜனவரி மாதம் முதல் கடந்த 7-ந் தேதி வரை பெங்களூருவில் விற்பனை செய்ய முயன்ற ரூ.45 கோடி போதைப்பொருட்கள் பறிமுதல் செய்யப்பட்டு உள்ளது. இதுதொடர்பாக 4,210 பேர் கைது செய்யப்பட்டு உள்ளனர். இதுபற்றி பெங்களூரு மாநகர போலீஸ் கமிஷனர் கமல்பந்த் நிருபர்களுக்கு பேட்டி அளிக்கையில் கூறியதாவது:-

“பெங்களூரு நகரில் கடந்த ஜனவரி மாதம் முதல் கடந்த 7-ந் தேதி வரை போதைப்பொருட்கள் விற்பனையில் ஈடுபட்டதாக 4,210 பேரை போலீசார் கைது செய்து உள்ளனர். 3,337 பேர் மீது வழக்குப்பதிவு ஆகி உள்ளது. இவர்களிடம் இருந்து ரூ.45 கோடி மதிப்பிலான 3,255 கிலோ போதைப்பொருட்கள் பறிமுதல் செய்யப்பட்டு உள்ளது. 2020-ம் ஆண்டு 3,912 கிலோ போதைப்பொருட்கள் பறிமுதல் செய்யப்பட்டது.

3,673 பேர் கைது செய்யப்பட்ட நிலையில் 2,766 பேர் மீது வழக்குப்பதிவு ஆகி இருந்தது. கடந்த 2019-ம் ஆண்டு 1,053 கிலோ போதைப்பொருட்கள் பறிமுதல் செய்யப்பட்டது. 1,260 பேர் கைது செய்யப்பட்டனர். 768 வழக்குகள் பதிவாகி இருந்தது. 2019-ம் ஆண்டை விட 2020-ம் ஆண்டில் போதைப்பொருள் விற்பனை 271 சதவீதம் அதிகரித்து உள்ளது. இதனை தடுக்க தொடர்ந்து நடவடிக்கை எடுக்கப்படும்.”

இவ்வாறு அவர் கூறினார்.

தொடர்புடைய செய்திகள்

1. ஐஎஸ்எல் கால்பந்து தொடர் : பெங்களூரு - ஒடிசா அணிகள் இன்று பலப்பரீட்சை
பெங்களூரு அணி தனது முதல் போட்டியில் நார்த் ஈஸ்ட் யுனைடெட் அணியை 4-2 என்ற கணக்கில் வீழ்த்தியது
2. பெங்களூருவில் வரும் 9-ந் தேதி கர்நாடக பா.ஜ.க. ஒருங்கிணைப்பு குழு கூட்டம்
பெங்களூருவில் வரும் 9-ந் தேதி கர்நாடக பா.ஜ.க. ஒருங்கிணைப்பு குழு கூட்டம் நடைபெற உள்ளது.
3. பெங்களூருவில் போலீஸ் குடியிருப்பில் திடீர் விரிசல் - 32 குடும்பத்தினரை வெளியேற்ற அதிகாரிகள் முடிவு
பெங்களூருவில் போலீஸ் குடியிருப்பில் திடீரென விரிசல் ஏற்பட்டு உள்ளது. இதனால் அந்த கட்டிடத்தில் வசித்து வரும் 32 குடும்பத்தினரை வெளியேற்ற அதிகாரிகள் முடிவு செய்து உள்ளனர்.
4. பெங்களூருவில் இரவு நேர ஊரடங்கு நீட்டிப்பு
பெங்களூருவில் இரவு நேர ஊரடங்கு நீட்டிப்பு செய்யப்பட்டு உள்ளது.
5. பெங்களூருவில் கொட்டி தீர்த்த கனமழை
பெங்களூருவில் கொட்டி தீர்த்த கனமழையால் இந்திராநகரில் உள்ள ராணுவ பயிற்சி மையத்தின் சுவர் இடிந்து விழுந்தது. இதில் 10 வாகனங்கள் சேதம் அடைந்தன. மேலும் மெஜஸ்டிக் செல்லும் வழியில் உள்ள ரெயில்வே மேம்பால சுவரும் இடிந்து விழுந்ததால் பரபரப்பு உண்டானது.