<
அவதூறு கருத்து தெரிவித்து வரும் எச்.ராஜா மீது தமிழக அரசு வழக்கு தொடரும் - அமைச்சர் ஜெயக்குமார்
அவதூறு கருத்து தெரிவித்து வரும் எச்.ராஜா மீது தமிழக அரசு வழக்கு தொடரும் என அமைச்சர் ஜெயக்குமார் கூறினார். #Jayakumar
சென்னை
அமைச்சர் ஜெயக்குமார் சென்னையில் நிருபர்களுக்கு பேட்டி அளித்தார். அப்போது அவர் கூறியதாவது:-
அவதூறாக கருத்துக்களை தெரிவித்து வரும் எச். ராஜா மீது அரசு வழக்கு தொடரும்; யாருக்கும் தமிழக அரசு வக்காலத்து வாங்காது. எஸ்.வி. சேகர்,
எச்.ராஜா ஆகியோர் இழிவாக பேசிவருவதை ஏற்றுக்கொள்ள முடியாது; பத்திரிக்கையாளர்களை இழிவுபடுத்தப்படுவதை அனுமதிக்க முடியாது.
எச்.ராஜா மற்றும் எஸ்.வி. சேகர் இருவரும் சைபர் சைக்கோக்கள்.
இருவருக்கு விளம்பரம் தேடுவதே வேலை. பேராசிரியை விவகாரத்தில் காவல்துறை உண்மை நிலையை வெளிக்கொண்டுவரும், யாரையும் காப்பாற்றும் எண்ணம் அரசுக்கு இல்லை . பேராசிரியை நிர்மலாதேவி விவகாரத்தில் ஆளுநர் உத்தரவிட்டுள்ள விசாரணை, சிபிசிஐடி விசாரணையை பாதிக்காது.
காவிரி விவகாரத்தில் அரசு மற்றும் எதிர்க்கட்சிகளின் நிலைப்பாடு குறித்து மக்களுக்கு தெரியும். இவ்வாறு அவர் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
