மாநில செய்திகள்

கர்நாடகாவில் இருந்து தமிழகத்திற்கு வரும் காவிரி நீரின் அளவு அதிகரிப்பு + "||" + Increase in the release of Cauvery water from Karnataka to Tamil Nadu

கர்நாடகாவில் இருந்து தமிழகத்திற்கு வரும் காவிரி நீரின் அளவு அதிகரிப்பு

கர்நாடகாவில் இருந்து தமிழகத்திற்கு வரும் காவிரி நீரின் அளவு அதிகரிப்பு
கர்நாடகா அணைகளில் இருந்து தமிழகத்திற்கு வரும் காவிரி நீரின் அளவு வெகுவாக உயர்ந்துள்ளது.
தர்மபுரி,

கடந்த சில தினங்களாக தென்மேற்கு பருவமழை தீவிரமடைந்துள்ளதை தொடர்ந்து, தமிழகத்தை ஒட்டிய கர்நாடகா மற்றும் கேரள எல்லைப் பகுதிகளில் தொடர்மழை பெய்து வருகிறது. மேலும் காவிரி நீர்ப்பிடிப்பு பகுதிகளில் பெய்த பலத்த மழை காரணமாக கர்நாடக அணைகளான கபினி மற்றும் கிருஷ்ணசாகர் அணைகள் வேகமாக நிரம்பி வருகின்றன. 

இதனையடுத்து முன்னெச்சரிக்கை நடவடிக்கையாக கர்நாடக அணைகளில் இருந்து தமிழகத்திற்கு கடந்த மாதம் முதல் கட்டமாக 12 ஆயிரம் கன அடி நீரும், கடந்த 15 ஆம் தேதி 21 ஆயிரம் கன அடி நீரும் திறந்து விடப்பட்டது. இதனை தொடர்ந்து 3-ம் கட்டமாக நேற்று முன்தினம் 37 ஆயிரம் கன அடி நீர் திறந்து விடப்பட்டது. அந்த நீர் இன்று தமிழக எல்லையான தர்மபுரி மாவட்டம் பிலிகுண்டுலுவை வந்தடைந்துள்ளது. 

கடந்த 3 நாட்களாக 7 ஆயிரம் கன அடி நீர் மட்டுமே வந்துகொண்டிருந்த நிலையில், இன்று 17 ஆயிரம் கன அடி நீர் வந்து கொண்டிருக்கிறது. இதையடுத்து தற்போது ஒகேனக்கலில் உள்ள அருவிகளில் தண்ணீர் ஆர்ப்பரித்து கொட்டுகிறது. தமிழகத்திற்கு இன்று திறந்து விடப்பட்டுள்ள நீர் நாளை காலை மேட்டூர் அணையை சென்றடையும் என எதிர்பார்க்கப்படுகிறது. 

தொடர்புடைய செய்திகள்

1. தமிழகத்தில் 5 ஆண்டுகளாக நஷ்டத்தில் இயங்கிய டாஸ்மாக்
தமிழகத்தில் 5 ஆண்டுகள் டாஸ்மாக் நஷ்டத்தில் இயங்கியதாக தகவல் அறியும் உரிமை சட்டத்தில் தகவல் வெளியாகியுள்ளது.
2. விநாயகர் சதுர்த்தி: தமிழகத்தின் பல்வேறு மாவட்டங்களில் உள்ள கோயில்களில் சிறப்பு பூஜை
விநாயகர் சதுர்த்தியையொட்டி தமிழகத்தின் பல்வேறு மாவட்டங்களில் உள்ள கோயில்களில் இன்று காலை முதலே சிறப்பு பூஜை நடைபெற்று வருகிறது.
3. வருவாய்ப் பற்றாக்குறை நிதி: தமிழகத்துக்கு 6-வது தவணையாக ரூ.183.67 கோடி விடுவிப்பு
தமிழகம் உள்பட 17 மாநிலங்களுக்கு 6 வது தவணையாக ரூ.9,871 கோடி வருவாய்ப் பற்றாக்குறை நிதியை மத்திய நிதி அமைச்சகம் இன்று விடுவித்துள்ளது.
4. 12-ந் தேதி தமிழகம் முழுவதும் 43 ஆயிரம் இடங்களில் மெகா தடுப்பூசி முகாம்
தமிழகம் முழுவதும் 43 ஆயிரத்து 51 இடங்களில் மெகா தடுப்பூசி முகாம் வருகிற 12-ந் தேதி நடைபெற இருக்கிறது. இதற்கான வழிகாட்டு நெறிமுறைகளை சுகாதாரத்துறை வெளியிட்டுள்ளது.