உள்ளாட்சி தேர்தலில் அக்காள்-தங்கை வெற்றி

திருப்பத்தூர்,

திருப்பத்தூர் மாவட்டம் ஜோலார்பேட்டை அருகே காவேரிப்பட்டு பகுதியை சேர்ந்தவர் கண்ணுரங்கம். இவரது மகள்கள் மாலா சேகர் (வயது 50), உமா கண்ணுரங்கம் (48). அக்காள்-தங்கையான இருவரும் கடந்த 6-ந்தேதி நடைபெற்ற உள்ளாட்சி தேர்தலில் போட்டியிட்டனர். காவேரிப்பட்டு ஊராட்சி மன்ற தலைவர் பதவிக்கு மாலா சேகர் போட்டியிட்டு 651 வாக்குகள் பெற்று வெற்றி பெற்றார். இவரது தங்கை உமாகண்ணுரங்கம் ஒன்றிய கவுன்சிலர் பதவிக்கு போட்டியிட்டு 1,972 வாக்குகள் பெற்று வெற்றி பெற்றார்.