தமிழ்ப்புத்தாண்டையொட்டி தாம்பரம் - நாகர்கோவில் இடையே சிறப்பு ரெயில்

மதுரை,

தமிழ் புத்தாண்டு விடுமுறையையொட்டி தென்னக ரெயில்வே தரப்பில் தாம்பரம்-நாகர்கோவில் இடையே சிறப்பு ரெயில் இயக்கப்படுகிறது. அதன்படி, தாம்பரத்தில் இருந்து இந்த சிறப்பு ரெயில்(வ.எண்.06005) அடுத்த மாதம்(ஏப்ரல்) 13-ந் தேதி இரவு 10.30 மணிக்கு புறப்பட்டு மறுநாள் காலை 10.55 மணிக்கு நாகர்கோவில் ரெயில் நிலையம் சென்றடையும்.

மறுமார்க்கத்தில் நாகர்கோவிலில் இருந்து அடுத்த மாதம் 17-ந் தேதி மாலை 4.15 மணிக்கு புறப்படும் சிறப்பு ரெயில்(வ.எண்.06006) மறுநாள் அதிகாலை 4.10 மணிக்கு தாம்பரம் சென்றடையும். இந்த ரெயில்கள் செங்கல்பட்டு, விழுப்புரம், விருத்தாசலம், திருச்சி, திண்டுக்கல், மதுரை, விருதுநகர், சாத்தூர், கோவில்பட்டி, நெல்லை ஆகிய ரெயில் நிலையங்களில் நின்று செல்லும்.