கோவில் திருவிழாவையொட்டி மாட்டு வண்டி பந்தயம்

மாட்டு வண்டி பந்தயம்

சிவகங்கை அருகே குமாரபட்டி கலியுகவரத அய்யனார், மந்தன கருப்பணசாமி கோவில் முளைப்பாரி திருவிழாவையொட்டி மாட்டு வண்டி பந்தயம் குமாரப்பட்டி-இடையமேலூர் சாலையில் நடைபெற்றது. இதில் மொத்தம் 78 வண்டிகள் கலந்துகொண்டன. பெரியமாட்டு வண்டி, நடுமாட்டு வண்டி, சின்னமாட்டு வண்டி, பூஞ்சிட்டு வண்டி, தட்டான்சிட்டு வண்டி பந்தயம் என 5 பிரிவாக நடைபெற்றது.

முதலில் நடைபெற்ற பெரியமாட்டு வண்டி பந்தயத்தில் 11 வண்டிகள் கலந்துகொண்டு முதல் பரிசை கள்ளந்திரி நகுலன்சேதுபதி வண்டியும், 2-வது பரிசை குமாரபட்டி விஷால் கண்ணன் வண்டியும், 3-வது பரிசை மட்டங்கிபட்டி காவியா வண்டியும் பெற்றது. நடுமாட்டு வண்டி பந்தயத்தில் முதல் பரிசை ஜெய்ஹிந்த்புரம் அக்னிமுருகன் வண்டியும், 2-வது பரிசை மேலூர் அழகன்கவுசிக் வண்டியும், 3-வது பரிசை நரசிங்கப்பட்டி மனோஜ் வண்டியும் பெற்றது.

பரிசுகள்

சின்னமாட்டு வண்டி பந்தயத்தில் 21 வண்டிகள் கலந்துகொண்டு முதல் பரிசை கூலையனூர் ராஜீவ்காந்தி வண்டியும், 2-வது பரிசை நெற்புகப்பட்டி சதீஷ்குமார் வண்டியும், 3-வது பரிசை கம்பம் பார்த்திபன் வண்டியும் பெற்றது. பூஞ்சிட்டு வண்டி பந்தயத்தில் 16 வண்டிகள் கலந்துகொண்டு முதல் பரிசை எர்னம்பட்டி பெருமாள்சாமி வண்டியும், 2-வது பரிசை வெள்ளரிப்பட்டி அழகுமலை வண்டியும், 3-வது பரிசை குமாரபட்டி ஜெயராஜ் வண்டியும் பெற்றது. இறுதியாக நடைபெற்ற தட்டான்சிட்டு வண்டி பந்தயத்தில் முதல் பரிசை நாராயணதேவன்பட்டி சிவனேசன் வண்டியும், 2-வது பரிசை எரசை ராமையா மற்றும் ஒச்சதேவன்பட்டி பாலமுருகன் வண்டியும், 3-வது பரிசை அதிகரை வேங்கை வண்டியும் பெற்றது. வெற்றி பெற்ற வண்டிகளின் உரிமையாளர்களுக்கு பரிசுகள் வழங்கப்பட்டது.