<
உலகைச்சுற்றி....
* ஜப்பானின் சிபா பிராந்தியத்தில் உள்ள கிழக்கு கடலோர பகுதியில் நேற்று காலை சக்திவாய்ந்த நிலநடுக்கம் ஏற்பட்டது. இது ரிக்டர் அளவுகோலில் 5.3 புள்ளிகளாக பதிவானது. இந்த நிலநடுக்கத்தால் ஏற்பட்ட சேதவிவரங்கள் குறித்து தகவல்கள் இல்லை.
* பிரேசிலின் வடகிழக்கு மாகாணமான பெர்னாம்புகோவில் இடைவிடாது கனமழை கொட்டித்தீர்த்ததால் வெள்ளம் மற்றும் பயங்கர நிலச்சரிவு ஏற்பட்டது. வெள்ளம் மற்றும் நிலச்சரிவில் சிக்கி இதுவரை 15 பேர் பலியாகி இருப்பதாக அங்கிருந்து வரும் தகவல்கள் தெரிவிக்கின்றன.
* மெக்சிகோவின் தெற்கு பகுதியில் உள்ள மிச்சோவாகன் மாகாணத்தில் போலீஸ் அதிகாரிகளை ஏற்றிச்சென்ற ஹெலிகாப்டர் ஒன்று நடுவானில் பறந்து கொண்டிருந்தபோது, திடீரென தரையில் விழுந்து நொறுங்கியது. இதில் ஹெலிகாப்டரில் இருந்து 2 போலீஸ் அதிகாரிகள் உள்பட 4 பேரும் பலியாகினர்.
* சவுதி அரேபியா மற்றும் ஐக்கிய அரபு அமீரகத்துக்கு அமெரிக்கா ஆயுதங்கள் விற்பனை செய்வதை தடை செய்ய வலியுறுத்தி அந்நாட்டு நாடாளுமன்றத்தில் தீர்மானம் நிறைவேற்றப்பட்டது. இந்த தீர்மானத்தை ஜனாதிபதி டிரம்ப், தனது ‘வீட்டோ’ அதிகாரத்தை பயன்படுத்தி ரத்து செய்து விட்டார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
