சீனாவில் சூறாவளி: பலி எண்ணிக்கை 45 ஆக உயர்வு


சீனாவில் சூறாவளி: பலி எண்ணிக்கை 45 ஆக உயர்வு
x
தினத்தந்தி 12 Aug 2019 10:30 PM GMT (Updated: 12 Aug 2019 8:22 PM GMT)

சீனாவை தாக்கிய சூறாவளி புயலுக்கு பலியானோர் எண்ணிக்கை 45 ஆக உயர்ந்துள்ளது.


* சீனாவை தாக்கிய லெகிமா புயலுக்கு பலியானவர்களின் எண்ணிக்கை 45 ஆக உயர்ந்துள்ளது. 16 பேரை காணவில்லை. அவர்களின் கதி என்ன? என்பது தெரியவில்லை.

* ரஷியா தலைநகர் மாஸ்கோவில் உள்ள தேசிய நெடுஞ்சாலையில் ஒரு கார், ஒரு லாரி மற்றும் மினி பஸ் அடுத்தடுத்து மோதி பயங்கர விபத்து நேரிட்டது. இதில் 2 சிறுவர்கள் உள்பட 5 பேர் உடல் நசுங்கி உயிர் இழந்தனர்.

* ஆப்கானிஸ்தானில் இருந்து அமெரிக்க படைகளை திரும்பப்பெறுவது தொடர்பாக அமெரிக்க அரசு அதிகாரிகளுடன் நடைபெற்ற 8-வது கட்ட பேச்சுவார்த்தை நிறைவடைந்துவிட்டதாக தலீபான் பயங்கரவாத அமைப்பு தெரிவித்துள்ளது.

* அமெரிக்காவின் மிசிசிப்பி மாகாணத்தில் உள்ள ஒரு தேவாலயத்துக்குள் நடந்த துப்பாக்கிச்சூட்டில் ஒருவர் உயிரிழந்தார்.

* நைஜீரியாவின் போர்னோ மாகாணத்தில் போகோஹரம் பயங்கரவாதிகளுக்கும், ராணுவ வீரர்களுக்கும் இடையே கடும் மோதல் ஏற்பட்டது. இதில் 8 பயங்கரவாதிகளும், 2 ராணுவ வீரர்கள் மற்றும் அப்பாவி மக்கள் 2 பேரும் கொல்லப்பட்டனர்.

Next Story