உலக செய்திகள்

ஆப்கானிஸ்தானில் அமெரிக்க தாக்குதலில் பயங்கரவாத தலைவர் பலியா? + "||" + Is terrorist leader killed in US attack in Afghanistan?

ஆப்கானிஸ்தானில் அமெரிக்க தாக்குதலில் பயங்கரவாத தலைவர் பலியா?

ஆப்கானிஸ்தானில் அமெரிக்க தாக்குதலில் பயங்கரவாத தலைவர் பலியா?
ஆப்கானிஸ்தானில் அமெரிக்க தாக்குதலில் பயங்கரவாத தலைவர் பலியானாரா என்பது குறித்த தகவல் வெளியாகி உள்ளது.
காபூல்,

அல் கொய்தா பயங்கரவாத அமைப்பின் தெற்கு ஆசிய பிரிவின் தலைவராக செயல்பட்டு வந்தவர் ஆசிம் உமர். இந்தியா, மியான்மர், வங்காளதேசம் ஆகிய நாடுகளில் பயங்கரவாத தாக்குதல்களை நடத்தும் நோக்கில், கடந்த 2014-ம் ஆண்டில் இப்பிரிவு தொடங்கப்பட்டது. அப்போது முதல் இப்பிரிவின் தலைவராக ஆசிம் உமர் இருந்து வந்தார்.


பாகிஸ்தானின் கராச்சியில் கடற்படை பணிமனையில் கடந்த 2014-ல் நடத்தப்பட்ட பயங்கரவாத தாக்குதலுக்கு இப்பிரிவு பொறுப்பேற்றது. வங்காளதேசத்தில் பல்வேறு சமூக ஆர்வலர்கள், எழுத்தாளர்கள் கொலையிலும் இப்பிரிவுக்கு தொடர்பு உள்ளது. கடந்த 2016-ல் ஆசிம் உமரை சர்வதேச பயங்கரவாதியாக அமெரிக்கா அறிவித்தது.

இந்த நிலையில் ஆப்கானிஸ்தானில் அமெரிக்க கூட்டுப்படைகள் நடத்திய வான்தாக்குதலில் ஆசிம் உமர் கொல்லப்பட்டதாக ஆப்கானிஸ்தான் அதிகாரிகள் தெரிவித்துள்ளனர். இது குறித்து ஆப்கானிஸ்தான் தேசிய பாதுகாப்பு அதிகாரிகள் கூறியதாவது:-

கடந்த மாதம் 23-ந்தேதி ஹெல்மண்ட் மாகாணத்தின் முஸா காலா மாவட்டத்தில் பயங்கரவாதிகளின் பதுங்கு குழிகளை குறிவைத்து, அமெரிக்கா மற்றும் ஆப்கானிஸ்தான் கூட்டுப் படைகள் வான்வழி தாக்குதல் நடத்தின. இதில், அல் கொய்தா பயங்கரவாத அமைப்பின் தெற்கு ஆசிய பிரிவின் தலைவர் ஆசிம் உமர் மற்றும் அவருடன் இருந்த 6 பயங்கரவாதிகளும் கொல்லப்பட்டனர். இவ்வாறு அவர்கள் கூறினர்.

எனினும் இந்த தகவலை அல் கொய்தா பயங்கரவாத அமைப்பு மற்றும் அமெரிக்க ராணுவம் உறுதிப்படுத்தவில்லை. அதே சமயம் தலீபான் பயங்கரவாதிகள் இது ‘எதிரிகளின் பொய்பிரசாரம்’ என கூறி இந்த தகவலை மறுத்துள்ளனர்.

தொடர்புடைய செய்திகள்

1. ஆப்கானிஸ்தானில் படை குறைப்பு செய்ய அமெரிக்கா முடிவு
ஆப்கானிஸ்தானில் படை குறைப்பு செய்ய அமெரிக்கா முடிவு செய்துள்ளது.
2. ஆப்கானிஸ்தானில் 900 தலீபான் கைதிகள் விடுவிப்பு
ஆப்கானிஸ்தானில் 900 தலீபான் கைதிகள் விடுவிக்கப்பட்டனர்.
3. ஆப்கானிஸ்தானில் மசூதிகளில் துப்பாக்கிச்சூடு; 11 பேர் சாவு - மற்றொரு தாக்குதலில் 10 போலீஸ் அதிகாரிகள் பலி
ஆப்கானிஸ்தானில் 2 மசூதிகளில் நடந்த துப்பாக்கிச்சூட்டில் 11 பேர் பலியாகினர். மற்றொரு தாக்குதலில் போலீஸ் அதிகாரிகள் 10 பேர் கொல்லப்பட்டனர்.
4. ஆப்கானிஸ்தானில் தேசிய பாதுகாப்பு இயக்குனரகம் அருகே கார் குண்டு வெடிப்பு: 7 பேர் உடல் சிதறி பலி
ஆப்கானிஸ்தானில் தேசிய பாதுகாப்பு இயக்குனரகம் அருகே கார் குண்டு வெடித்த சம்பவத்தில் 7 பேர் உடல் சிதறி பலியாகினர்.
5. ஆப்கானிஸ்தானில் 9 பயங்கரவாதிகள் சுட்டுக்கொலை: 2 ராணுவ வீரர்கள் பலி
ஆப்கானிஸ்தானில் 9 பயங்கரவாதிகள் சுட்டுக்கொல்லப்பட்டனர். மேலும் இந்த சம்பவத்தில் 2 ராணுவ வீரர்கள் பலியாயினர்.