உலக செய்திகள்

சீனாவை மீண்டும் அச்சுறுத்தும் கொரோனா - புதிதாக 16 பேருக்கு பாதிப்பு + "||" + China reports 16 new coronavirus cases

சீனாவை மீண்டும் அச்சுறுத்தும் கொரோனா - புதிதாக 16 பேருக்கு பாதிப்பு

சீனாவை மீண்டும் அச்சுறுத்தும் கொரோனா - புதிதாக 16 பேருக்கு பாதிப்பு
சீனாவில் புதிதாக 16 பேருக்கு கொரோனா தொற்று இருப்பது கண்டறியப்பட்டுள்ளதாக அந்நாட்டு தேசிய சுகாதார கமிஷன் தெரிவித்துள்ளது.
பெய்ஜிங்,

உலக நாடுகளை ஒருசேர அச்சுறுத்திக்கொண்டிருக்கும் கொரோனா வைரஸ், முதன் முதலாகக் கடந்த ஆண்டு டிசம்பரில் சீனாவின் உகான் நகரில் கண்டறியப்பட்டது. சீனா எடுத்த தொடர்ச்சியான நடவடிக்கைகளால், அந்த நாட்டில் கொரோனா வைரஸ் கணிசமாகக் கட்டுப்படுத்தப்பட்டது.  

முதன் முதலில் கொரோனா வைரஸ் பரவிய உகான் நகரில், கொரோனா பாதிப்பு அறவே இல்லை என அண்மையில் அறிவிக்கப்பட்டது. இதையடுத்து,  கட்டுப்பாடுகள்  விலக்கப்பட்டு, மக்களும் மெல்ல இயல்பு வாழ்க்கைக்குத் திரும்பி வருகின்றனர். பள்ளிகள் திறக்கப்பட்டுள்ளன. 

இயல்பு வாழ்க்கைக்கு சீனா வேகமாக திரும்பிக்கொண்டிருக்கும் இந்த சமயத்தில், கொரோனா வைரஸ் மீண்டும் சீனாவை அச்சுறுத்தத் தொடங்கியுள்ளது.  குறிப்பாக சீனாவில் உள்ள ஜிலின் மாகாணத்தில் கொரோனா படிப்படியாக தலைகாட்டத் தொடங்கியுள்ளது. சீனாவில் நேற்று 16 பேருக்கு கொரோனா பாதிப்பு கண்டறியப்பட்டதாக அந்நாட்டு சுகாதார கமிஷன் தெரிவித்துள்ளது. இதில், 15 பேருக்கு அறிகுறிகள் எதுவும் இல்லை.

நேற்றைய நிலவரப்படி ஜிலின் மாகாணத்தில் கொரோனா பாதித்தவர்கள் எண்ணிக்கை 133- ஆக உள்ளது. கொரோனா பாதிப்பிலிருந்து 106 பேர் மீண்ட நிலையில், 2 பேர் உயிரிழந்துள்ளனர். 25 பேர் மருத்துவமனையில் கொரோனாவுக்கு சிகிச்சை பெற்று வருகின்றனர். 

 சீனாவில் அறிகுறி இல்லாமல் கொரோனா பாதித்தவர்கள் எண்ணிக்கை 368- ஆக உள்ளது. கொரோனா முதன் முதலில் பரவிய உகான் நகரம் அமைந்துள்ள ஹூபெய் மாகாணத்தில் உள்ள அனைவருக்கும் கொரோனா பரிசோதனையை சீனா மேற்கொண்டு வருவது கவனிக்கத்தக்கது. ஹுபெய் மாகாணம்  சுமார் 11 கோடி மக்கள் தொகையைக் கொண்டதாகும். 

தொடர்புடைய செய்திகள்

1. தேவையற்ற பதற்றத்தை உருவாக்கும் நடவடிக்கையில் இந்தியா, சீனா இறங்கக் கூடாது -ஐ.நா.
தேவையற்ற பதற்றத்தை உருவாக்கும் நடவடிக்கையில் இந்தியா, சீனா இறங்கக் கூடாது என ஐ.நா. பொதுச் செயலாளர் வேண்டுகோள் விடுத்துள்ளார்.
2. சீனாவுடனான எல்லை பிரச்சினையில் பிரதமர் மோடி "நல்ல மனநிலையில்" இல்லை - டொனால்டு டிரம்ப்
சீனாவுடனான எல்லை பிரச்சினையில் பிரதமர் மோடி "நல்ல மனநிலையில்" இல்லை என அமெரிக்க ஜனாதிபதி டொனால்டு டிரம்ப் கூறி உள்ளார்.
3. ஹாங்காங்கிற்கான புதிய பாதுகாப்புச் சட்டத்திற்கு சீனா பாராளுமன்றம் ஒப்புதல்
சீனாவின் பாராளுமன்றம் ஹாங்காங்கிற்கான புதிய பாதுகாப்புச் சட்டத்திற்கு ஒப்புதல் அளித்துள்ளது.
4. விமானங்களில் பறக்கிறபோது கொரோனா வைரஸ் பரவுமா? - அமெரிக்க நோய் கட்டுப்பாடு மற்றும் தடுப்பு மையம் பதில்
விமானங்களில் பறக்கிறபோது கொரோனா வைரஸ் பரவுமா என்பது குறித்து, அமெரிக்க நோய் கட்டுப்பாடு மற்றும் தடுப்பு மையம் பதில் அளித்துள்ளது.
5. சீனாவுடனான மோதல் விவகாரம்: மக்களின் கவலைகளை தீர்க்க வேண்டும் - காங்கிரஸ் வலியுறுத்தல்
சீனாவுடனான மோதல் விவகாரம் தொடர்பாக, மக்களின் கவலைகளை தீர்க்க வேண்டும் என்று காங்கிரஸ் வலியுறுத்தி உள்ளது.