உலக செய்திகள்

பாகிஸ்தானிய பயங்கரவாத குழு தலைவர் சாலையோர குண்டுவெடிப்பில் உயிரிழப்பு + "||" + Pakistani terrorist group leader killed in roadside blast

பாகிஸ்தானிய பயங்கரவாத குழு தலைவர் சாலையோர குண்டுவெடிப்பில் உயிரிழப்பு

பாகிஸ்தானிய பயங்கரவாத குழு தலைவர் சாலையோர குண்டுவெடிப்பில் உயிரிழப்பு
பாகிஸ்தானிய பயங்கரவாத குழுவின் தலைவர் மங்கள் பாக் சாலையோர குண்டுவெடிப்பு சம்பவத்தில் கொல்லப்பட்டார்.
காபூல்,

பாகிஸ்தான் நாட்டில் லஷ்கர் இ இஸ்லாம் என்ற பெயரில் பயங்கரவாத குழு ஒன்று செயல்பட்டு வருகிறது.  இதன் தலைவராக மங்கள் பாக் என்பவர் இருந்து வந்துள்ளார்.

இந்நிலையில், அவர் தனது கூட்டாளிகளுடன் வாகனம் ஒன்றில் சென்றுள்ளார்.  அவர்களது வாகனம் அச்சின் மாவட்டத்தில் பந்தர் தாரா பகுதியில் வந்தபொழுது சாலையோரம் வைக்கப்பட்டு இருந்த வெடிகுண்டு ஒன்று திடீரென வெடித்து உள்ளது.

இந்த சம்பவத்தில் பயங்கரவாத குழுவின் தலைவர் மங்கள் பாக் கொல்லப்பட்டார்.  அவருடன் வந்தவர்களில் 2 கூட்டாளிகளும் கொல்லப்பட்டனர்.  இதனை மாகாண கவர்னர் ஜியாவுல்ஹக் அமர்கில் தனது டுவிட்டரில் தெரிவித்து உள்ளார்.

எனினும், இதுபற்றி தி எக்ஸ்பிரஸ் டிரிபியூன் வெளியிட்டுள்ள செய்தியில், பாக் பலமுறை மரணம் அடைந்து இருக்கிறார்.  பின்னர் மீண்டும் தோன்றி காட்சி தருகிறார் என தெரிவித்து உள்ளது.  அமெரிக்க அரசு அவரது தலைக்கு 30 லட்சம் அமெரிக்க டாலர் பரிசு அறிவித்து உள்ளது.

இவரது குழுவானது போதை பொருள் கடத்தல், பிற விலையுயர்ந்த பொருட்களை கடத்தல், ஆட்கடத்தல் மற்றும் பாகிஸ்தான் மற்றும் ஆப்கானிஸ்தான் நாடுகளுக்கு இடையேயான வர்த்தக பரிமாற்றத்தில் வரியை ஈட்டுதல் உள்ளிட்டவை வழியாக தனது குழுவுக்கு தேவையான வருவாயை ஈட்டி வந்துள்ளது.
Related Tags :

தொடர்புடைய செய்திகள்

1. டோக்கியோ ஒலிம்பிக் போட்டிகள்: பயண கட்டுப்பாடுகளை தளர்த்திய அமெரிக்கா
ஜப்பானில் டோக்கியோ ஒலிம்பிக் போட்டிகளை முன்னிட்டு பயண கட்டுப்பாடுகளை அமெரிக்கா தளர்த்தி அறிவித்து உள்ளது.
2. கர்நாடகாவில் 446 பேருக்கு கருப்பு பூஞ்சை நோய் பாதிப்பு: 12 பேர் பலி
கர்நாடகாவில் 446 பேருக்கு பாதிப்பு ஏற்படுத்திய கருப்பு பூஞ்சை நோய்க்கு 12 பேர் பலியாகி உள்ளனர்.
3. கர்நாடகாவை தொடர்ந்து டெல்லியிலும் கொரோனா தடுப்பூசி நாளை போடப்படாது
கர்நாடகாவை தொடர்ந்து டெல்லியிலும் நாளை கொரோனா தடுப்பூசி போட்டு கொள்ள மக்கள் செல்ல வேண்டாம் என அரசு அறிவித்து உள்ளது.