ஹபீஸ் சயீத் இல்லம் அருகே வெடிகுண்டு தாக்குதல் நடத்தப்பட்ட வழக்கு: 4 பேருக்கு மரண தண்டனை

லாகூர், 

மும்பை தாக்குதலுக்கு மூளையாக செயல்பட்ட ஹபீஸ் சயீத்தின் லாகூர் இல்லத்திற்கு வெளியே கடந்த ஆண்டு ஜூன் 23 ஆம் தேதி வெடி குண்டு தாக்குதல் நிகழ்த்தப்பட்டது. இந்த தாக்குதலில் 3 பேர் கொல்லப்பட்டனர். 20 பேர் படுகாயம் அடைந்தனர். இந்த வெடி குண்டு தாக்குதலில் பல வீடுகள், கடைகள் மற்றும் அங்கு நிறுத்தப்பட்டு இருந்த வாகனங்களும் சேதம் அடைந்தன. 

இந்த தாக்குதல் தொடர்பாக தடை செய்யப்பட்ட தெஹ்ரீக் ஐ தலீபான் அமைப்பின் ஒரு பிரிவை சேர்ந்தவர்கள் எனக்கூறப்படும் பீட்டர் பால் டேவிட், சஜ்ஜத் ஷா, ஜியாவுல்லா  மற்றும் ஆயேஷ் பிபி ஆகியோர் கைது செய்யப்பட்டனர். இந்த வழக்கின் விசாரணை முடிந்த நிலையில், இன்று தீர்ப்பளித்த லாகூர் நீதிமன்றம்  குற்றவாளிகள் 3 பேருக்கும் மரண தண்டனை விதித்து தீர்ப்பளித்துள்ளது. மேலும், வழக்கில் குற்றம் சாட்டப்பட்ட ஆயேஷ் பிபி என்ற பெண்ணுக்கு ஐந்து ஆண்டுகள் கடுங்காவல் தண்டனை விதித்து தீர்ப்பளித்துள்ளது.