கிரிக்கெட்

பாகிஸ்தானுக்கு எதிரான 2–வது ஒரு நாள் கிரிக்கெட்டில் இங்கிலாந்து அணி வெற்றி + "||" + Against Pakistan England won the 2 nd one day cricket

பாகிஸ்தானுக்கு எதிரான 2–வது ஒரு நாள் கிரிக்கெட்டில் இங்கிலாந்து அணி வெற்றி

பாகிஸ்தானுக்கு எதிரான 2–வது ஒரு நாள் கிரிக்கெட்டில் இங்கிலாந்து அணி வெற்றி
இங்கிலாந்து–பாகிஸ்தான் அணிகள் இடையிலான 5 ஆட்டங்கள் கொண்ட ஒரு நாள் போட்டி தொடரில் 2–வது ஒரு நாள் கிரிக்கெட் போட்டி சவுதம்டனில் நேற்று முன்தினம் நடந்தது.

சவுதம்டன், 

இங்கிலாந்து–பாகிஸ்தான் அணிகள் இடையிலான 5 ஆட்டங்கள் கொண்ட ஒரு நாள் போட்டி தொடரில் 2–வது ஒரு நாள் கிரிக்கெட் போட்டி சவுதம்டனில் நேற்று முன்தினம் நடந்தது. முதலில் பேட்டிங் செய்த இங்கிலாந்து அணி 50 ஓவர்களில் 3 விக்கெட் இழப்புக்கு 373 ரன்கள் குவித்தது. அதிகபட்சமாக ஜோஸ் பட்லர் 55 பந்துகளில் 6 பவுண்டரி, 9 சிக்சருடன் 110 ரன்னும், கேப்டன் இயான் மோர்கன் 48 பந்துகளில் 6 பவுண்டரி, ஒரு சிக்சருடன் 71 ரன்னும் எடுத்து ஆட்டம் இழக்காமல் இருந்தனர். ஜாசன் ராய் 87 ரன்னும், பேர்ஸ்டோ 51 ரன்னும், ஜோரூட் 40 ரன்னும் எடுத்து ஆட்டம் இழந்தனர். பாகிஸ்தான் அணி தரப்பில் ‌ஷகீன் ஷா அப்ரிடி, ஹசன் அலி, யாசிர் ஷா தலா ஒரு விக்கெட் கைப்பற்றினர். பின்னர் 374 ரன்கள் எடுத்தால் வெற்றி என்ற இலக்குடன் ஆடிய பாகிஸ்தான் அணி 50 ஓவர்களில் 7 விக்கெட் இழப்புக்கு 361 ரன்களே எடுத்தது. இதனால் இங்கிலாந்து அணி 12 ரன் வித்தியாசத்தில் வெற்றி பெற்றது. பாகிஸ்தான் அணியில் தொடக்க ஆட்டக்காரர் பஹர் ஜமான் 138 ரன்னும், பாபர் அஜாம் 51 ரன்னும், ஆசிப் அலி 51 ரன்னும் எடுத்து ஆட்டம் இழந்தனர். கேப்டன் சர்ப்ராஸ் அகமது 41 ரன்கள் எடுத்து ஆட்டம் இழக்காமல் இருந்தார். இங்கிலாந்து அணி தரப்பில் டேவிட் வில்லி, பிளங்கெட் தலா 2 விக்கெட் வீழ்த்தினார்கள். இந்த வெற்றியின் மூலம் இங்கிலாந்து அணி போட்டி தொடரில் 1–0 என்ற கணக்கில் முன்னிலை வகிக்கிறது. லண்டனில் நடந்த முதல் ஆட்டம் மழையால் பாதியில் ரத்து செய்யப்பட்டது. இவ்விரு அணிகள் இடையிலான 3–வது ஒரு நாள் போட்டி நாளை பிரிஸ்டலில் நடக்கிறது.


தொடர்புடைய செய்திகள்

1. நிதி நெருக்கடியில் தத்தளித்து வருகிற பாகிஸ்தானுக்கு ரூ.9,360 கோடி அவசர கடன் - ஆசிய வளர்ச்சி வங்கி வழங்குகிறது
நிதி நெருக்கடியில் தத்தளித்து வருகிற பாகிஸ்தானுக்கு அவசர கடன் உதவியாக ஆசிய வளர்ச்சி வங்கி ரூ.9,360 கோடி வழங்குகிறது.
2. இந்தி பாடலை பாடிய டோனி; சமூக வலைத்தளங்களில் வைரல் ஹிட் ஆகிறது
இந்திய கிரிக்கெட் அணியின் நட்சத்திர வீரரான டோனி, நிகழ்ச்சி ஒன்றில் இந்தி பாடலை பாடியது சமூக வலைத்தளங்களில் வைரல் ஹிட் ஆகி வருகிறது.
3. பாகிஸ்தானைச் சேர்ந்த 629 இளம் பெண்கள் சீனாவிற்கு கடத்தி பாலியல் தொழிலுக்கு விற்பனை
பாகிஸ்தானைச் சேர்ந்த 629 இளம் பெண்கள் சீனாவில் உள்ள ஆண்களை மணப்பதற்காக விற்பனை செய்யப்பட்டுள்ளனர் எனத் தகவல் வெளியாகியுள்ளது.
4. பாகிஸ்தான் முன்னாள் அதிபர் முஷாரப் மருத்துவமனையில் அனுமதி
பாகிஸ்தான் முன்னாள் அதிபர் முஷாரப் மருத்துவமனையில் அனுமதிக்கப்பட்டுள்ளார்.
5. பாகிஸ்தானுக்கு எதிரான பகல்-இரவு டெஸ்ட் கிரிக்கெட்டில் ஆஸ்திரேலிய அணி இன்னிங்ஸ் வெற்றி - தொடரையும் கைப்பற்றியது
பாகிஸ்தானுக்கு எதிரான பகல்-இரவு டெஸ்ட் கிரிக்கெட் போட்டியில் ஆஸ்திரேலிய அணி இன்னிங்ஸ் மற்றும் 48 ரன்கள் வித்தியாசத்தில் அபார வெற்றி பெற்றதுடன் தொடரையும் கைப்பற்றியது.