உலக கோப்பைக்குள் குணமாகிவிடுவேன் - நெய்மார்

பிரேசில்,

பிரேசில் கால்பந்து அணியின் நட்சத்திர ஆட்டக்காரர் நெய்மார், பாரீஸ் செயன்ட் ஜெர்மைன் கிளப் அணிக்காகவும் விளையாடுகிறார். கடந்த பிப்ரவரி மாதம் கிளப் போட்டியில் ஆடிய போது நெய்மார் கால் பாதத்தில் காயம் அடைந்தார். உடனடியாக தாயகம் திரும்பிய அவருக்கு காலில் ஆபரேஷன் செய்யப்பட்டது. காயத்தில் இருந்து குணமடைந்து வரும் நெய்மார் கூறுகையில், ‘காயம் மோசமானது தான். ஆனால் தற்போது ஓய்வு எடுத்து வருவதால் தேறி வருகிறேன். ரஷியாவில் ஜூன் மாதம் தொடங்கும் உலக கோப்பை கால்பந்து போட்டிக்குள் நான் முழுமையாக தயாராகி விடுவேன்’ என்றார். மே 21-ந்தேதி தொடங்கும் தேசிய அணிக்கான பயிற்சி முகாமில் நெய்மார் பங்கேற்பார் என்று தெரிகிறது.