சென்னை செஸ்: கேத்தரினா முன்னிலை

சென்னை,

பெண்களுக்கான சர்வதேச கிராண்ட்மாஸ்டர் ரவுண்ட் ராபின் செஸ் போட்டி சென்னை கீழ்ப்பாக்கத்தில் நடந்து வருகிறது. இதில் நேற்று நடந்த 10-வது சுற்று ஆட்டம் ஒன்றில் இந்திய வீராங்கனை மிட்செல் கேத்தரினா சக நாட்டு வீராங்கனை சந்த்ரேயீ ஹஜ்ராவை தோற்கடித்தார். மற்றொரு ஆட்டத்தில் இந்தியாவின் திவ்யா தேஷ்முக் சக நாட்டவரான ஆகான்ஷாவிடம் தோல்வியை தழுவினார். 10-வது சுற்று முடிவில் கேத்தரினா 7.5 புள்ளிகளுடன் முன்னிலை வகிக்கிறார். திவ்யா 7 புள்ளியுடன் அடுத்த இடத்தில் உள்ளார். கடைசி சுற்று பந்தயம் இன்று நடக்கிறது.