* உலக கோப்பை கிரிக்கெட்டில் இங்கிலாந்து-நியூசிலாந்து அணிகள் மோதிய இறுதிப்போட்டி டையில் முடிந்தது. அடுத்து நடந்த சூப்பர் ஓவரும் டை ஆனதால் அதிக பவுண்டரிகள் அடித்ததன் அடிப்படையில் இங்கிலாந்து அணி சாம்பியன் பட்டத்தை தட்டிச்சென்றது. சூப்பர் ஓவரில் 2-வது பந்தில் நியூசிலாந்து வீரர் ஜேம்ஸ் நீஷம் சிக்சர் அடித்தும் அது அணியின் வெற்றிக்கு உதவவில்லை. இதனால் ஜேம்ஸ் நீஷம் சோகத்தில் ஆழ்ந்தார். அதேநேரத்தில் அவருக்கு மற்றொரு வருத்தம் தரக்கூடிய சம்பவமும் நடந்துள்ளது. ஜேம்ஸ் நீஷம் சூப்பர் ஓவரில் சிக்சர் அடித்த நேரத்தில் அவருக்கு பள்ளி பருவத்தில் பயிற்சியாளராக இருந்த டேவிட் ஜேம்ஸ் கோர்டாயின் உயிர் ஆஸ்பத்திரியில் பிரிந்ததாக அவரது மகள் தெரிவித்துள்ளார். தனது பால்ய கால பயிற்சியாளர் மறைவுக்கு ஜேம்ஸ் நீஷம் இரங்கல் தெரிவித்துள்ளார்.