புரோ கபடி: குஜராத்தை வீழ்த்தியது அரியானா

புதுடெல்லி,

7-வது புரோ கபடி லீக் தொடர் பல்வேறு நகரங்களில் நடந்து வருகிறது. இதில் டெல்லியில் நேற்றிரவு நடந்த 62-வது லீக் ஆட்டத்தில் குஜராத் பார்ச்சுன் ஜெயன்ட்ஸ்- அரியானா ஸ்டீலர்ஸ் அணிகள் மோதின. ஆட்டத்தின் தொடக்கம் முதலே ஆதிக்கம் செலுத்திய அரியானா, எதிரணியை 3 முறை ஆல்-அவுட் செய்து மிரள வைத்தது. முடிவில் அரியானா அணி 41-24 என்ற புள்ளி கணக்கில் குஜராத்தை தோற்கடித்து 7-வது வெற்றியை சுவைத்தது. 11-வது ஆட்டத்தில் ஆடிய குஜராத்துக்கு இது 7-வது தோல்வியாகும்.

மற்றொரு ஆட்டத்தில் தபாங் டெல்லி அணி 40-24 என்ற புள்ளி கணக்கில் முன்னாள் சாம்பியன் மும்பையை வீழ்த்தி 8-வது வெற்றியோடு புள்ளி பட்டியலில் தொடர்ந்து முதலிடம் வகிக்கிறது. இதே மைதானத்தில் இன்று நடக்கும் லீக் ஆட்டத்தில் பெங்கால் வாரியர்ஸ் - தமிழ் தலைவாஸ் (இரவு 7.30) அணிகள் சந்திக்கின்றன.