தேசிய சீனியர் ஸ்குவாஷ்: அரைஇறுதியில் ஜோஸ்னா, சுனைனா


தேசிய சீனியர் ஸ்குவாஷ்: அரைஇறுதியில் ஜோஸ்னா, சுனைனா
x
தினத்தந்தி 13 Feb 2020 11:49 PM GMT (Updated: 13 Feb 2020 11:49 PM GMT)

77-வது தேசிய சீனியர் ஸ்குவாஷ் சாம்பியன்ஷிப் போட்டி சென்னை நேரு பார்க்கில் நடந்து வருகிறது.

சென்னை,

நேற்று நடந்த ஆண்கள் பிரிவின் கால்இறுதி ஆட்டம் ஒன்றில் தமிழக அணிக்காக ஆடும் சவுரவ் கோஷல் 11-3, 11-3, 11-1 என்ற நேர் செட்டில் ருத்விக் ராவை (மராட்டியம்) ஊதித்தள்ளி அரைஇறுதிக்கு முன்னேறினார். அபய்சிங், ஹரிந்தர் பால்சிங் சந்து (2 பேரும் தமிழகம்), அபிஷேக் பிரதன் (மராட்டியம்) ஆகியோரும் அரைஇறுதியை எட்டினர்.

பெண்கள் ஒற்றையர் பிரிவில் நட்சத்திர வீராங்கனையான தமிழகத்தை சேர்ந்த ஜோஸ்னா சின்னப்பா 11-4, 11-2, 11-4 என்ற நேர் செட்டில் சச்சிகா பல்வானியை (மராட்டியம்) வெளியேற்றி அரைஇறுதிக்கு முன்னேறினார். மற்றொரு தமிழக வீராங்கனை சுனைனா குருவில்லா தன்னை எதிர்த்த சனிகா சவுத்ரியை 11-5, 11-2, 12-10 என்ற நேர் செட்டில் சாய்த்து அரைஇறுதிக்குள் நுழைந்தார். இன்னொரு ஆட்டத்தில் தமிழகத்தின் அபரஜிதா 5-11, 3-11, 8-11 என்ற நேர் செட்டில் தன்வி கன்னாவிடம் (டெல்லி) வீழ்ந்தார்.

Next Story