ரூ.98 ஆயிரத்துக்கு தேங்காய் ஏலம்

பரமத்திவேலூர்

பரமத்திவேலூர் ஒழுங்கு முறை விற்பனைக் கூடத்தில் மின்னணு தேசிய வேளாண்மை சந்தையில் இ.நாம் மூலம் தேங்காய் ஏலம் நடைபெற்று வருகிறது. கடந்த வாரம் செவ்வாய்க்கிழமை நடைபெற்ற ஏலத்திற்கு 951 கிலோ தேங்காயை விவசாயிகள் கொண்டு வந்திருந்தனர். இதில் அதிகபட்சமாக கிலோ ஒன்று ரூ.26.10-க்கும், குறைந்தபட்சமாக ரூ.21-க்கும், சராசரியாக ரூ.24-க்கும் ஏலம் நடைபெற்றது. மொத்தம் ரூ.22 ஆயிரத்து 470- க்கு ஏலம் நடைபெற்றது. நேற்று நடைபெற்ற ஏலத்திற்கு 4 ஆயிரத்து 521 கிலோ தேங்காயை விவசாயிகள் ஏலத்திற்கு கொண்டு வந்தனர். இதில் அதிகபட்சமாக தேங்காய் கிலோ ஒன்று ரூ.27.69-க்கும், குறைந்தபட்சமாக ரூ.15.10-க்கும், சராசரியாக ரூ.18.56-க்கும் ஏலம் போனது. மொத்தம் ரூ.98 ஆயிரத்து 326-க்கு ஏலம் நடைபெற்றது.