அவினாசி
அவினாசி வேளாண்மை உற்பத்தியாளர் கூட்டுறவு விற்பனை சங்கத்தில் பிரதிவாரம் புதன்கிழமை பருத்தி ஏலம் நடைபெறும். நேற்று நடந்த பருத்தி ஏலத்திற்கு 525 மூட்டை பருத்தி வந்திருந்தது. இது கடந்த வாரத்தை காட்டிலும் 450 மூட்டைகள் குறைவு. இதில் ஆர்.சி.எச். ரக பருத்தி குவிண்டால் ரூ.6ஆயிரத்து 500 முதல் ரூ.7ஆயிரத்து 552 வரையிலும், மட்ட ரகப்பருத்தி குவிண்டால் ரூ.2ஆயிரம் முதல் ரூ.3 ஆயிரத்து 500 வரையில் வியாபாரிகள் ஏலத்தில் எடுத்தனர். ஏலத்தின் மொத்த மதிப்பு ரூ.14 லட்சத்து 18 ஆயிரம் ஆகும். இந்த தகவலை சங்க நிர்வாகிகள் தெரிவித்துள்ளனர்.
----