கோபி, அந்தியூர் கூட்டுறவு சங்கங்களில்ரூ.14½ லட்சத்துக்கு வாழைத்தார் ஏலம்

கோபி, அந்தியூர் கூட்டுறவு சங்கங்களில் ரூ.14½ லட்சத்துக்கு வாழைத்தார் ஏலம் போனது.

கோபி

கோபி வேளாண்மை உற்பத்தியாளர்கள் கூட்டுறவு விற்பனை சங்கத்தில் வாழைத்தார்கள் ஏலம் நடைபெற்றது. இந்த ஏலத்துக்கு 5 ஆயிரத்து 800 வாழைத்தார்களை விவசாயிகள் விற்பனைக்காக கொண்டு வந்திருந்தனர்.

இதில் கதலி வாழைப்பழம் கிலோ ஒன்று 40 ரூபாய்க்கும், நேந்திரன் வாழைப்பழம் 16 ரூபாய்க்கும் விற்பனை ஆனது. பூவன் (தார் ஒன்று) ரூ.340-க்கும், தேன்வாழை ரூ.430-க்கும், செவ்வாழை ரூ.500-க்கும், ரொபஸ்டா ரூ.300-க்கும் ரஸ்தாளி ரூ.400-க்கும், மொந்தன் ரூ.210-க்கும், பச்சை நாடன் ரூ.310-க்கும் விற்பனை செய்யப்பட்டது. வாழைத்தார்கள் மொத்தம் ரூ.8 லட்சத்து 48 ஆயிரத்துக்கு ஏலம் போனது.

தேங்காய் 9 ஆயிரத்து 130 விற்பனைக்காக கொண்டு வரப்பட்டிருந்தது. இதில் தேங்காய் ஒன்று 8 ரூபாய் முதல் 13 ரூபாய் 60 காசு வரை மொத்தம் ரூ.87 ஆயிரத்து 400-க்கு விற்கப்பட்டது.

அந்தியூர்

இதேபோல் அந்தியூர் புதுப்பாளையம் வேளாண்மை உற்பத்தியாளர் கூட்டுறவு சங்கத்தில் நடந்த ஏலத்துக்கு 4 ஆயிரத்து 320 வாழைத்தார்களை விவசாயிகள் விற்பனைக்ககாக கொண்டு வந்திருந்த னர்.

இதில் கதலி வாழைப்பழம் 35 ரூபாய்க்கும், நேந்திரன் 15 ரூபாய்க்கும் விற்பனை செய்யப்பட்டது.

பூவன் (தார் ஒன்று) ரூ.350-க்கும், செவ்வாழை ரூ.520-க்கும் தேன்வாழை ரூ.300-க்கும், ரஸ்தாளி ரூ.550-க்கும், மொந்தன் ரூ.150-க்கும் விற்கப்பட்டது. வாழைத்தார்கள் மொத்தம் ரூ.6 லட்சத்து 10 ஆயிரத்து 850-க்கு விற்பனை ஆனது.

கோபி, அந்தியூர் கூட்டுறவு சங்கங்களில் ரூ.14 லட்சத்து 58 ஆயிரத்துக்கு வாழைத்தார்கள் ஏலம் போனது.